संजय राठोड यांना मंत्रिपद मिळाल्याने एकनाथ शिंदेंची डोकेदुखी वाढली; चर्चांना उधाण

मुंबई: सत्तास्थापनेच्या एक महिन्यानंतर शिंदे-फडणवीस (Eknath Shinde) मंत्रिमंडळाचा विस्तार काल झाला. शिंदे गटातील ९ तर भाजमधील ९ आमदारांनी मंत्रिपदाची शपथ घेतली. या मंत्रिमंडळात शिवसेनेचे बंडखोर आमदार संजय राठोड यांना मंत्रिपद मिळाल्यामुळे राज्यात आरोप-प्रत्यारोप सुरू आहेत. या प्रकरणी काल भाजप नेत्या चित्रा वाघ यांनी नाराजी व्यक्त केली आहे. या संदर्भात आता नवी माहिती समोर आली आहे.

सुरूवातील मंत्रिमंडळाच्या यादीत संजय राठोड यांचे नाव नसल्याची चर्चा होती, पण नाराजी व्यक्त केल्यानंतर संजय राठोड यांना मंत्रीपद मिळाले असल्याची चर्चा सुरू आहे.

एका मुलीच्या आत्महत्ये प्रकरणी संजय राठोड (Sanjay Rathod) यांचे नाव पुढे आल्यानंतर राठोड यांना मंत्रीपद नाकारण्यात आले होते. संजय राठोड यांनी एकनाथ शिंदे यांच्यावर दबाव आणत मंत्रिमंडळ विस्तार यादीत नाव टाकून घेतल्याची माहिती सूत्रांनी दिली आहे.

आपल्याला या प्रकरणी चौकशीत क्लिन चिट मिळाल्याचा दावा करत शिंदे यांच्यावर राठोड यांनी दबाव आणल्याची माहिती सूत्रांनी दिली. संजय राठोड यांना मंत्रिपद मिळताच भाजपच्या महिला नेत्या चित्रा वाघ यांनी ही राठोड यांनी मंत्रिपद देणे चुकीचे असल्याची भूमिका मांडली होती. आपल्या सोबतच्या आमदारांचे दबावतंत्र वाढत असल्याने मुख्यमंत्री एकनाथ शिंदे यांची डोकेदुखी वाढली असल्याचे बोलले जात आहे.

मंत्रिपदासाठी अब्दुल सत्तारांनी मुख्यमंत्री एकनाथ शिंदेंची मध्यरात्रीच घेतली होती भेट

मंत्रिपदासाठी इच्छुक आमदारांची मुख्यमंत्री एकनाथ शिंदे (Eknath Shinde) यांनी समजूत काढली असल्याचे बोलले जात आहे. अनेकांनी मंत्रिपदासाठी दावा केला होता, पण काल अनेकांचा पत्ता कट झाला त्यामुळे आता नाराजी असल्याचे बोलले जात आहे.

मंत्रिमंडळाचा विस्तार ठरला तेव्हा यावेळी मुख्यमंत्री एकनाथ शिंदे हिंगोली, नांदेड दौऱ्यावर गेले होते. ते सोमवारी दौरा करुन रात्री मुंबईत दाखल झाले. यानंतर मध्यरात्री मुंबईत नंदनवन बंगल्यात खलबते सुरू झाली.

काही दिवसापूर्वी टीईटी घोटाळा समोर आला होता, या घोटाळ्यात मंत्री अब्दुल सत्तार यांच्या मुलींची नावे असल्याची बातमी आली होती, त्यामुळे सत्तार यांचा मंत्रिपदावरुन पत्ता कट होणार असल्याच्या चर्चा सुरू झाल्या होत्या. (Eknath Shinde Latest News)