Altaf Pevekar Attacks: शिंदे गटाच्या विभाग प्रमुखावर अज्ञातांकडून हल्ला; हल्लेखोर तोंडाला रूमाल बांधून आले अन्...

Altaf Pevekar Attacks News: शिवसेना शिंदे गटाचे अंधेरी विभाग प्रमुख अल्ताफ पेवकर यांच्यावर अज्ञात व्यक्तींनी हल्ला केल्याची धक्कादायक माहिती समोर आली आहे.
Eknath Shinde Group Leader Altaf Pevekar Attacked by Unknown Persons in Versova
Eknath Shinde Group Leader Altaf Pevekar Attacked by Unknown Persons in VersovaSaam TV

Altaf Pevekar Attacks News: शिवसेना शिंदे गटाचे अंधेरी विभाग प्रमुख अल्ताफ पेवकर यांच्यावर अज्ञात व्यक्तींनी हल्ला केल्याची धक्कादायक माहिती समोर आली आहे. सोमवारी रात्री साडेअकरा वाजेच्या सुमारास हा हल्ला झाला असल्याचे समजते.  (Latest Marathi News)

अल्ताफ पेवकर वर्सोवा येथून आपल्या कारने घरी निघाले असता, हल्लेखोर तोंडाला रूमाल बांधून आले आणि त्यांनी अचानक हल्ला चढवला. हल्लेखोरांनी बॅटच्या सहाय्याने अल्ताफ पेवकर यांच्या कारची काच फोडली. तसेच त्यांना मारहाण देखील केल्याची माहिती आहे.

Eknath Shinde Group Leader Altaf Pevekar Attacked by Unknown Persons in Versova
Delhi Services Bill: केजरीवाल यांना मोठा धक्का, दिल्ली सेवा विधेयक राज्यसभेत मंजूर

या घटनेनं परिसरात एकच खळबळ उडाली आहे. हा हल्ला ठाकरे गटाच्या (Uddhav Thackeray) कार्यकर्त्यांनी केला असल्याचा आरोप अल्ताफ पेवकर यांनी केला आहे. दरम्यान, अल्ताफ पेवकर यांच्यावर हल्ला झाल्याचं कळताच शिंदे गटाच्या कार्यकर्ते वर्सोवा पोलीस ठाण्याबाहेर जमले होते.

आरोपींवर तातडीने गुन्हा दाखल करत त्यांना अटक करावी, अशी मागणी कार्यकर्त्यांकडून करण्यात आली. या घटनेमुळे परिसरात काही काळ तणावाचं वातावरण पसरलं होतं.

याबाबत मिळालेली माहिती अशी, शिवसेना शिंदे गटाचे (Eknath Shinde) अंधेरी आणि वर्सोवा विधानसभा क्षेत्राचे विभाग प्रमुख अल्ताफ पेवकर सोमवारी रात्री साडेअकरा वाजेच्या सुमारास आपल्या कारने घरी जाण्यासाठी निघाले होते.

Eknath Shinde Group Leader Altaf Pevekar Attacked by Unknown Persons in Versova
Mumbai Crime News: धक्कादायक! धावत्या ट्रेनमधून तरुणीला फेकलं; दादर रेल्वे स्टेशनमधील घटना

अंधेरी पश्चिमेकडील मॉडेल टाउन परिसरात त्यांची कार आली असता, अज्ञात व्यक्तींनी त्यांच्यावर अचानक हल्ला चढवला. हल्लेखोरांनी हातात असलेल्या बॅट आणि हॉकीस्टिकने अल्ताफ यांच्या कारची काच फोडली. हल्लेखोरांनी तोंडाला रूमाल बांधला असल्याने त्यांना ओळखता आलं नाही.

दरम्यान, अज्ञातांकडून हा हल्ला झाल्यानंतर शिवसेना शिंदे गटाचे अनेक कार्यकर्ते रात्री उशिरा वर्सोवा पोलीस ठाण्याबाहेर देखील जमले होते. मात्र, हा हल्ला कोणी केला? राजकीय वर्चस्व वादातून हा हल्ला झाला का? याबाबत सध्या पोलीस तपास करत आहेत.

Edited by - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com