Pune School News : पुण्यात शिक्षण विभागाची मोठी कारवाई; 29 बोगस शाळा बंद, विद्यार्थ्यांचे काय होणार?

अक्षय बडवे, साम टीव्ही, प्रतिनिधी

पुण्यातील पालकांसाठी महत्त्वाची बातमी आहे. पुण्यात शिक्षण विभागाने मोठी कारवाई केली आहे. शिक्षण विभागाने पुणे, पिंपरी चिंचवड आणि जिल्ह्याच्या ग्रामीण भागातील 49 शाळा अनधिकृत असल्याचं घोषित केलं आहे. त्यातील 29 शाळा बंद करण्यात आल्या आहेत. तर पुणे जिल्ह्यातील 10 शाळांवर गुन्हाही दाखल करण्यात आला आहे.

अनधिकृत शाळांचा शोध घेण्यसाठी पुणे, पिंपरी चिंचवड महापालिकेने आणि प्रशाकीय अधिकारी आणि जिल्ह्यातील शिक्षण अधिकाऱ्यांनी संयुक्त मोहीम राबवली होती. यातून आता 29 शाळा बंद करण्याची कारवाई करण्यात आली आहे.

मिळालेल्या माहितीनुसार, पुणे जिल्ह्यातील असणाऱ्या शाळा यांचे सर्वेक्षण पुणे महानगरपालिका आणि जिल्हा परिषद यांच्याकडून करण्यात आले. यामधून ज्या शाळा विनापरवाना आहेत आणि ज्या चुकीच्या पद्धतीने बांधल्या गेल्या आहेत, त्यामध्ये आता 29 शाळा बंद करण्यात आल्या आहेत.

ज्या शाळा कारवाईला प्रतिसाद देत नाहीत त्यांच्यावर गुन्हा दाखल करण्याची प्रक्रिया सुरू केली आहे, अशी माहिती जिल्हा परिषदेचे मुख्य कार्यकारी अधिकारी संतोष पाटील यांनी आज दिली. पुणे जिल्हा परिषदेकडून आत्तापर्यंत शहर आणि जिल्ह्यातील एकूण 49 शाळांवर कारवाई करण्यात आली आहे.

पुण्यातील या शाळा आहेत अनधिकृत

• ऑर्किड्स इंटरनॅशनल स्कूल

• नारायणा ई टेक्नो स्कूल

• दी गोल्डन इरा इंग्लिश मीडियम स्कूल, फ्लोरिंग फ्लोरा इंग्लिश मीडियम स्कू

• ई. एम. एच. इंग्लिश मीडियम स्कूल, सी. टी. ई. एल. इंग्लिश मीडियम स्कूल

• द टायगर इज इंटरनॅशनल स्कूल, मेरीगोल्ड इंटरनॅशनल स्कूल

• शिव समर्थ इंग्लिश मीडियम स्कूल, दारूल मदिनाह स्कूल

• टीम्स तकवा इस्लामिक स्कूल ॲंड मक्तब

• लीगसी हायस्कूल, इमॅन्युअल पब्लिक स्कूल