मनी लाँड्रींगचा प्रकरणात ईडीने परमबीर सिंग यांचा जबाब नोंदवला

मुंबई - मनी लाँड्रिंग प्रकरणात ईडीने मुंबईचे माजी पोलीस आयुक्त परमबीर सिंग यांचे जबाब नोंदवला आहे. १०० कोटी वसुली प्रकरणात परमबीर सिंग यांचा जबाब नोंदवण्यात आला आहे.ईडीने परमबीर सिंग यांना 3 वेळा समन्स बजावले होते, त्यानंतर परमबीर सिंह शुक्रवारी ईडी कार्यालयात पोहोचले आणि त्यांचा जबाब नोंदवला. अनिल देशमुख सध्या न्यायालयीन कोठडीत आहेत. अटकेपूर्वी ईडीने अनिल देशमुख यांना पाच वेळा समन्स पाठवले होते. पण त्यांनी याला दाद दिली नव्हती. त्यानंतर देशमुख अखेर २ नोव्हेंबर रोजी ईडी समोर हजर झाले. त्यानंतर ३ नोव्हेंबर रोजी त्यांना अटक करण्यात आली.

दरम्यान, काल गोरेगाव कथित खंडणी प्रकरणी मुंबई पोलिसांच्या गुन्हे शाखेत आ परमबीर सिंग आणि सचिन वाझे यांच्या विरोधात दोषारोपपत्र दाखल दाखल करण्यात आहे. गुन्हे शाखा युनिट 11 संबंधित कारवाई करत असून या आरोपपत्रात सचिन वाझे यांच्यासह आणखी काही नावांचा देखील समावेश आहे.

गोरेगाव खंडणी प्रकरणात आतापर्यंतएकूण 6 आरोपी आहेत. परमबीर सिंग, सचिन वाझे, रियाझ भाटी, विनय सिंग, अल्पेश आणि चिंटू अशी प्रमुख आरोपींची नवे आहेत. किला कोर्टात 1 हजार 895 पानांच दोषारोपपत्र जबाबासहित दाखल करण्यात आलं आहे. या प्रकरणातील दोघे अद्याप देखील फरार आहेत. त्यांच्या नावे अटक वॉरंट जारी करण्यात आल्याची माहिती गुन्हे शाखेकडून देण्यात आली आहे.

Edited By - Shivani Tichkule