मुंबई विद्यापीठात बाँम्ब स्फोट घडवून आणण्याची ई-मेलवरून धमकी

मुंबई : परीक्षांचे निकाल लवकर लावा अन्यथा विद्यापीठ उडवून देऊ अश्या धमकीचे मेल मुंबई विद्यापीठाला प्राप्त झाल्याचे मेल तपासणी दरम्यान उघडकीस आल्याने एकच खळबळ उडाली आहे.

हे देखील पहा -

मुंबई विद्यापीठाच्या ईमेल आयडीवरून मार्च २०२१ चे परीक्षेचे निकालाचे कामकाज सुरू असताना. हे धमकीचे मेल आल्याचे सांगितले जात आहे. विशेष म्हणजे धमकीत ही आरोपींनी BSC, B.com, BA, यांचे 6 सेमिस्टरचे निकाल 6 च्या आत नाही लागले, तर बाँम्ब स्फोटाची चित्रे पाठवून विद्यापीठ उद्धवस्त करू अशी धमकी दिली होती.

विद्यापीठातील अधिकारी हे विद्यापीठास प्राप्त झालेले मेल तपासत असताना ९ जुलै व १० जुलै रोजी दोन स्वतंत्र ईमेल आयडीहून ही धमकी आली असल्याचे त्यांनी पोलिसांकडे केलेल्या तक्रारीत म्हटले आहे. ज्या दोन ईमेल आयडीहून अस्तित्व लपवत आरोपींनी धमकी दिली आहे त्याची गंभीर दखल पोलिसांनी घेतली असून या अज्ञात आरोपींविरुद्ध गुन्हा नोंदवून तपास सुरु करण्यात आला आहे. +

Edited By : Krushnarav Sathe