Gold Smuggling Mumbai: दुबई ते मुंबई, विमानतळावर कोट्यवधी रुपयांच्या सोन्याची तस्करी; पिता-पुत्र सोनारासहित ६ जण असे अडकले जाळ्यात

Mumbai Crime News: महसूल गुप्तचर संचालनालयाने मुंबई विमानतळावर कोट्यवधी रुपयांच्या सोन्याची तस्करी करणाऱ्या ६ जणांच्या मुसक्या आवळल्या आहेत.
File photo
File photoSaam Tv

सचिन गाड

Mumbai Crime News:

मुंबई विमानतळावर सोन्याची करणाऱ्या आंतरराष्ट्रीय टोळीचा महसूल गुप्तचर संचालनालयाने पर्दाफाश केला आहे. महसूल गुप्तचर संचालनालयाने मुंबई विमानतळावर कोट्यवधी रुपयांच्या सोन्याची तस्करी करणाऱ्या ६ जणांच्या मुसक्या आवळल्या आहेत. या टोळीकडून साडेचार कोटी रुपयांचे ७.४ किलो सोने जप्त करण्यात आले आहे. (Latest Marathi News)

आंतरराष्ट्रीय टोळीकडून छत्रपती शिवाजी महाराज आंतरराष्ट्रीय विमानतळावरून मोठ्या प्रमाणावर सोन्याची तस्करी सुरू होती. दुबई ते मुंबई हवाईमार्गे ही सोन्याची तस्करी सुरू होती. याच सोन्याची तस्करी करणाऱ्या आंतरराष्ट्रीय सिंडिकेटचा डीआरआयने पर्दाफाश केला आहे.

File photo
Thane Lift Collapse Today: ठाण्यातील इमारत लिफ्ट दुर्घटनेतील मृतांची नावे आली समोर; घटनास्थळाची सध्याची परिस्थिती काय?

डीआरआयने आरोपींकडून साडेचार कोटी रुपयांचे ७.४ किलो सोने जप्त केले आहे. या कारवाईत नामांकित एअरलाइन्सच्या कर्मचाऱ्यासह एकूण सहा जणांना अटक करण्यात आली आहे. नामांकित विमान कंपनीची कर्मचारी, प्रवासी सोन्याची खेप स्वीकारणारा आणि पिता-पुत्र सोनारांना देखील अटक करण्यात आली आहे.

तसेच आरोपींकडून डायरी जप्त करण्यात आली आहे. याचबरोबर दररोज ४-५ प्रवासी कोट्यवधी रूपयांच्या सोने तस्करी करून आणत असल्याचे उघड झाले आहे, अशी माहिती डीआरआयने दिली आहे.

File photo
Jalgaon Crime News : प्रेम प्रकरणाच्या संशयातून खून; ट्रकचालकाच्या खुनाचा उलगडा

दर महिन्याला २०० किलो सोन्याची तस्करी

दुबईवरून सोने घेऊन निघालेला तस्कर मुंबई विमानतळावर विमान उतरताच सोने सीटवरच सोडत असे. त्यानंतर विमान कंपनीच्या मदतीने सोने विमानतळाबाहेर काढले जात असते. या आरोपींकडून दर महिन्याला २०० किलो सोन्याची तस्करी व्हायची, असा दावा डीआरआयने केला दावा आहे.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com