Maratha Andolan: देवेंद्र फडणवीस यांनी राजीनामा द्यावा, उद्या राज्यपालांची भेट घेऊन ठाकरे गट करणार मागणी

>> गिरीश कांबळे

Thackeray Group On Devendra Fadnavis:

एक मोठी बातमी समोर येत आहे. शिवसेना ठाकरे गटाचे आमदार आणि खासदार उद्या घेणार राज्यपालांची भेट घेणार आहेत. मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी राजीनामा द्यावा, अशी मागणी ते करणार आहेत.

आमदार आदित्य ठाकरे यांच्या नेतृत्वाखाली ठाकरे गटाचं शिष्टमंडळ उद्या दुपारी दोन वाजता घेणार राज्यपालांची भेट घेणार आहे. तसेच देवेंद्र फडणवीस यांनी राजीनामा द्यावा, अशी मागणी करणार आहे.

मिळालेल्या माहितीनुसार, जालना येथे मराठा आंदोलकांवर झालेल्या लाठीमारनंतर राजकारण तापलं आहे. अशातच ठाकरे गट देखील आक्रमक झाला आहे. यातच उद्या राज्यपालांची भेट घेऊन मुख्यमंत्री शिंदे आणि फडणवीस यांचा राजीनामा घेऊन कारवाई करावी, अशी मागणी ठाकरे गटाकडून करण्यात येणार आहे. (Political News)

दरम्यान, आज आज दुसऱ्यांदा राज्य सरकारच्या शिष्टमंडळाने मनोज जरांगे पाटील यांची भेट घेतली आणि त्यांनी उपोषण सोडावं, अशी विनंती केली. मात्र जरांगे पाटील यांनी सरकारला आपण उपोषणावर ठाम असल्याचं सांगत आरक्षण जाहीर करण्यासाठी आणखी चार दिवसांची मुदत दिली आहे. (Latest Marathi News)

यातच माध्यमांशी बोलताना गिरीश महाजन म्हणाले की, ''सोमवारी उपसमितीची बैठक झाली. ही बैठक मुख्यमंत्री, दोन्ही उपमुख्यमंत्री आणि सर्व अधिकाऱ्यांच्या उपस्थितीत झाली. पहिल्यांदा इतकी विस्तृत बैठक झाली. समितीचं काम ६०-७० टक्के झालंय. त्यांनी एक महिन्याचा अवधी मागितला. तीन महिन्यात अहवाल न आल्यामुळे मुख्यमंत्री खूप चिडले देखील. आता समितीने सांगितलंय की, आम्ही एक महिन्यात अहवाल देऊ.''