Shivaji Park : शिवाजी पार्कमध्ये किळसवाणा प्रकार, व्हिडिओ व्हायरल होताच नेटकरी भडकले

Dadar Shivaji Park : मुंबईतील दादरमधून एक किळसवाणा प्रकार समोर आला आहे. दादरच्या छत्रपती शिवाजी महाराज पार्कमध्ये एक व्यक्ती अश्लील-अस्वच्छ कृत्य करत असल्याचे उघडकीस आले आहे. या घटनेचा व्हिडीओ सोशल मीडियावर व्हायरल होत आहे. किळसवाणा प्रकारामुळे नागरिकांना संताप व्यक्त केला आहे.

व्हायरल व्हिडीओमध्ये एकजण दिवसाढवळ्या मैदानाच्या सीमेलगत असलेल्या जाळ्याच्या बाजूला लघुशंका करत असल्याचे पाहायला मिळते. या व्यक्तीच्या बाजूला एक तरुणी बेंचवर बसल्याचेही दिसते. असे असतानाही त्या व्यक्तीने अयोग्य-अस्वच्छ वर्तन केल्याचे व्हिडीओत दिसते. या घाणेरड्या प्रकारामुळे नेटकरी संतापले आहेत.

shivajipark_ या इंस्टाग्राम अकाउंटवर हा व्हिडीओ शेअर करण्यात आला आहे. 'निर्लज्ज पणाचा कळस , कुठे काय करता ह्याच पण भान नाही', असे कॅप्शन या व्हिडीओला देण्यात आले आहे. नीरज माळपेकर या तरुणाने व्हिडीओ रेकॉर्ड केल्याचे म्हटले जात आहे. व्हिडीओच्या कमेंटबॉक्समध्ये कमेंट करत नेटकऱ्यांनी राग व्यक्त केला आहे.

दादर पश्चिममधील छत्रपती शिवाजी महाराज पार्क हे मुंबईकरांचे आवडते ठिकाण आहे. लहान मुलांपासून ते थोरांपर्यंत अनेकजन या मैदानात फेरफटका मारत असतात. काहीजण व्यायाम करण्यासाठी, काहीजण विश्रांती घेण्यासाठी, तर काही फक्त फिरण्यासाठी म्हणून छत्रपती शिवाजी महाराज पार्कमध्ये येत असतात. या मैदानाला राजकीय, सामाजिक, धार्मिक आणि ऐतिहासिक महत्त्व देखील आहे.