Crime News Ambernath : बाबा आईला सोडा...; मुलानेच केली बापाची हत्या, धक्कादायक कारण आलं समोर

Ambernath Crime News : अंबरनाथमधून एक खळबळजनक बातमी समोर आली आहे. एका मुलानेच आपल्या बाबांची हत्या केली आहे. बाप सतत दारूच्या नशेत आईला मारहाण करत होता. त्यामुळे घरात सतत वाद आणि नैराश्य पसरले होते. या कारणाने तरुणाने आपल्या बापाचीच हत्या केली आहे. (Ambernath)

मिळालेल्या माहितीनुसार, अंबरनाथ पश्चिमेच्या बुवापाडा परिसरात राजेश वर्मा हा त्याची पत्नी अनिता आणि १९ वर्षांचा मुलगा प्रकाश याच्यासह वास्तव्याला होता. राजेशला दारूचं व्यसन होतं आणि त्यातूनच नवरा बायकोमध्ये सतत वाद होते.

राजेश हा त्याची पत्नी अनिताला मारहाण करत होता. ही बाब मुलगा प्रकाश याला खटकत असल्याने प्रकाश आणि राजेश यांच्यातही वाद होत होते. रविवारीही राजेश हा दारू पिऊन पत्नी अनिताला मारहाण करत असताना मुलगा (Son) प्रकाश याने त्याला अडवण्याचा प्रयत्न केला, मात्र तरीही तो मारहाण करतच असल्यामुळे प्रकाशने घरातील चाकू घेऊन राजेश याच्या छातीत खुपसला.

या घटनेत राजेशचा मृत्यू झाला. यानंतर अंबरनाथ (Ambernath) पश्चिम पोलिसांनी घटनास्थळी धाव घेत राजेश वर्मा याचा मृतदेह उल्हासनगरच्या मध्यवर्ती रुग्णालयात शवविच्छेदनासाठी पाठवला, तर पत्नी अनिता वर्मा हिच्या फिर्यादीवरून मुलगा प्रकाश वर्मा याच्याविरोधात पोलिसांनी खूनाचा गुन्हा दाखल करत त्याला अटक केली.