मुंबई : शिवसेनाप्रमुख बाळेसाहेब ठाकरे (Balasaheb Thackeray) यांच्या जयंतीनिमित्त आज विविध कार्यक्रमांचं आयोजन करण्यात आले आहे. विधानभवनातही आज बाळासाहेबांच्या तैलचित्राचं अनावरण करण्यात येणार आहे. त्याआधी राज्याचे मुख्यमंत्री एकनाथ शिंदे यांनी माध्यमांना प्रतिक्रिया दिली. बाळासाहेबांच्या आशीर्वादामुळे आज मी मुख्यमंत्री पदावर आहे, असं एकनाथ शिंदे यांनी म्हटलं.
माझ्या जीवनात जे काही आहे ते सारं योगदान बाळासाहेबांचंच आहे. आम्ही आज जे काही आहोत ते त्यांच्यामुळेच आहोत. राज्यातील आजचं सरकार आज त्यांच्यामुळेच आहे. त्यांचे विचार त्यांची शिकवण हे सरकार पुढे नेत आहे,असंही एकनाथ शिंदे यांनी म्हटलं.
बाळासाहेबांची आठवण येत नाही असा एकही क्षण नाही. त्यांची सर्वसामान्यांना न्याय देणारी शिकवण आहे. त्याच विचारांच्या आधारावर हे सरकार स्थापन करण्यात आलं आहे. बाळासाहेबांमुळेच सर्वसामान्य कार्यकर्ते अनेक मोठ्या पदांवर आहेत, असंही मुख्यमंत्र्यांनी म्हटलं.
बाळासाहेबांच्या तैलचित्र अनावरणाच्या सोहळ्यासाठी उद्धव ठाकरे यांच्यासह ठाकरे कुटुंबियांना आमंत्रित करण्यात आलं आहे. उद्धव ठाकरे, राज ठाकरे यांच्याशी बोललो असून हा सोहळा अतिशय भव्यदिव्य असा होणार असल्याचे विधानसभा अध्यक्ष राहुल नार्वेकर यांनी सांगितले.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
