CISF Jawan : तीस जिवंत काडतुसांसह जवान गायब (पाहा व्हिडिओ)

Tarapur Nuclear Power Plant News : देशाच्या सुरक्षेच्या दृष्टीने संवेदनशील असलेल्या तारापूर अणुऊर्जा प्रकल्प आणि भाभा अणुशक्ती केंद्रात सुरक्षारक्षक असलेल्या केंद्रीय औद्योगिक सुरक्षा दलाचा जवान रायफल आणि तीस जिवंत काडतुसांसह (bullets) काल पासून बेपत्ता आहे. या प्रकारामुळे एकच खळबळ उडाली आहे.

मनोज यादव असं या सीआयएसएफच्या जवानाचं नाव आहे. तो काल पासून गायब असल्याची माहिती समोर आली आहे. मनोज यादव काल सकाळी कामावर हजर झाला मात्र त्या नंतर तो अचानक ऑन ड्युटीवरुन गायब झाला. या जवानाजवळ एलएमजी रायफल आणि तीस जिवंत काडतुसं आहेत.

यादव याचा शोध घेतला जातोय . काल दिवसभर शस्त्रास्त्रांसह अचानक गायब असलेला सीआयएसएफचा जवान पुन्हा कामावर रुजू होईल असं स्थानिक सीआयएसएफच्या कर्मचारी आणि अधिकारी यांना वाटत होते. मात्र तो आज ही न परतल्याने खळबळ माजली आहे. या प्रकरणी तारापूर पोलीस (police) ठाण्यात तक्रार नाेंदविण्यात आली आहे. पोलीस यादव याचा शोध घेताहेत.

Edited By : Siddharth Latkar