Central Railway News: मध्य रेल्वेचा 3 लाख फुकट्या प्रवाशांना दणका; तब्बल १८ कोटींचा दंड केला वसूल

Central Railway Ticket Penalty

बेशिस्त प्रवाशांना वळणीवर आणण्यासाठी मध्य रेल्वेने विशेष मोहिम हाती घेतली आहे. तिकीट न काढता फुकट प्रवास करणाऱ्या प्रवाशांना मध्य रेल्वेने दंड आकारण्यास सुरुवात केली आहे. गेल्या ५ महिन्यात राबवण्यात आलेल्या विशेष तपासणी मोहिमेत अधिकाऱ्यांच्या हाती ३ लाख प्रवासी लागले आहेत. या प्रवाशांकडून अधिकाऱ्यांनी तब्बल १८ कोटी रुपयांचा दंड वसूल केला आहे. (Latest Marathi News)

या दंडाच्या रक्कमेमुळे मध्य रेल्वेला (Central Railway) मोठा फायदा झाला असून फुकट्या प्रवाशांना वचक बसला आहे. मागील काही दिवसांपासून कुठलेही तिकीट न काढता रेल्वेने प्रवास करणाऱ्या प्रवाशांच्या संख्येत मोठी वाढ झाली आहे.

तिकिट खिडक्यांवरील रांगेत उभे राहण्याचा कंटाळा, तसेच वेळेची बचत करण्यासाठी अनेकजण विनातिकीट प्रवास करीत आहेत. ज्या श्रेणीचे तिकीट घेतले, त्याच श्रेणीतून प्रवास करा. विनातिकीट प्रवास करू नका, अन्यथा तुम्हाला कारवाईला सामोरे जावे लागेल, असे रेल्वेकडून वारंवार सांगितले जाते.

मात्र, जनरलचे तिकीट काढून अनेकजण उच्च श्रेणीच्या डब्यातून प्रवास करतात. मुंबई लोकल ट्रेननमध्ये थर्ड क्लासचे तिकीट काढून अनेकजण फस्ट क्लासमध्ये प्रवास करणाऱ्यांची संख्या दिवसेंदिवस वाढत आहेत. ही बाब रेल्वे अधिकाऱ्यांच्या लक्षात आल्यानंतर त्यांची विशेष मोहिम राबवण्यास सुरुवात केली.

गेल्या ५ महिन्याच्या या मोहिमेत अधिकाऱ्यांच्या हाती ३ लाख प्रवासी लागले आहेत. या प्रवाशांकडून अधिकाऱ्यांकडून दंड वसूल करण्यात आला आहे. त्यामुळे रेल्वेच्या तिजोरीत दंडाची तब्बल १८ कोटी रुपये इतकी रक्कम जमा झाल्याची माहिती रेल्वे अधिकाऱ्यांनी दिली आहे. रेल्वेच्या या मोहिमेमुळे विना तिकीट प्रवास करणाऱ्यांचे धाबे दणाणले आहेत.