संजय गडदे
Mumbai News : मुंबई विमानतळाच्या परिसरात बाहेरील टॅक्सी व रिक्षा चालकांना येण्यास मनाई आहे. मात्र असं असताना देखील एका वाहन चालकाने जबरदस्तीने घुसण्याचा प्रयत्न केला. तेव्हा तिथे उपस्थित महिला सुरक्षारक्षकाने वाहन चालकाला आत येण्यास मनाई केली. याच रागातून वाहन चालकाने महिलेला अर्वाच्य भाषेत शिवीगाळ केल्याचा प्रकार उघडकीस आला.
यानंतर विमानतळावरील इतर पुरुष सुरक्षारक्षकांनी त्या वाहन चालकाला लाथाबुक्क्यांनी बेदम मारहाण केली. या घटनेचा व्हिडीओ आता समोर आला आहे. दयावान देवरे असं मारहाण झालेल्या वाहन चालकाचे नाव आहे.
मिळालेल्या माहितीनुसार 25 मार्च रोजी पहाटे साडेतीन वाजता छत्रपती शिवाजी आंतरराष्ट्रीय टर्मिनस टी 2 येथील पार्किंगच्या ठिकाणी वाहन चालक दयावान देवरे हे जबरदस्तीने प्रवासी घेण्यासाठी आतमध्ये घुसले. मात्र या ठिकाणी उपस्थित असलेल्या महिला सुरक्षा रक्षकाने आत येण्यास मज्जाव केला. (Latest News)
यामुळे वाहनचालक दयावान देवरे याने त्या महिला सुरक्षारक्षकाला लज्जा उत्पन्न होईल असे हावभाव करत अर्वाच्य भाषेत शिवीगाळ केली. याच रागातून त्या ठिकाणी उपस्थित असलेल्या इतर सुरक्षारक्षकांच्या टोळक्याने वाहनचालक देवरे याला लाथाबुक्यांनी मारहाण केली.
या घटनेनंतर दोन्ही बाजूच्या लोकांविरोधात सहार पोलीस ठाण्यामध्ये भादवि 323, 506(2), 504, 509 आणि कलम 142, 143, 146, 147, 323, 504 असे दोन क्रॉस सीआर घेण्यात आले.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.