VIDEO: १०८ ॲम्ब्युलन्स सेवा देणाऱ्या BVG कंपनीचं कंत्राट रद्द, सरकारचा मोठा निर्णय

राज्यातून मोठी बातमी समोर आली आहे. १०८ या सरकारी ॲम्ब्युलन्स सेवा देणारी कंत्राटदार कंपनीचे कंत्राट रद्द करण्यात आले आहे. साम टीव्हीने ही बातमी लावून धरली होती त्यानंतर इम्पॅक्ट पाहायला मिळत आहे. कंत्राटदार BVG या कंपनीवर घोटाळ्याचा आरोप करण्यात आला होता. त्यानंतर या कंपनीचे कंत्राट रद्द करण्यात आले आहे. आता १०८ या क्रमांकाअंतर्गत आरोग्य विभाग स्वत: ॲम्ब्युलन्स सेवा देणार आहे. राज्यातील गरीब, गरजू रुग्णांसाठी सरकारद्वारे १०८ ॲम्ब्युलन्स सेवा सुरू करण्यात आली होती. याचे कंत्राट सरकारने BVG कंपनीला दिले होते. पण या कंपनीने घोटाळा केल्याचे प्रकरण समोर आले होते. आता सरकारने या कंपनीचे कंत्राट रद्द केले आहे. आता सरकार स्वत: १०८ क्रमांकाअंतर्गत ॲम्ब्युलन्स सेवा देणार आहे.