Thane News: ठाण्यात मोठी दुर्घटना; फुटबॉल मैदानावर इमारतीचा पत्रा कोसळला, 7 जण जखमी

येथील गावंडबाग परिसरात ठाणे महानगरपालिकेच्या फुटबॉल टर्फच्या शेजारी असलेल्या इमारतीच्या पत्र्याची शेड कोसळून सात जण जखमी झाल्याची घटना समोर आली आहे. सोसाट्याच्या वाऱ्यासह मुसळधार पडत असल्यास पावसामुळे ही दुर्घटना घडली.

या दुर्घटनेत तीन जण गंभीर जखमी असून चार जण किरकोळ जखमी आहेत. त्यांच्यावर खाजगी रूग्णालयात उपचार सुरू आहेत. आमदार प्रताप सरनाईक यांनी रुग्णाची भेट घेऊन विचारपूस केली.

ठाणे शहरात आज रात्री ९ नंतर पावसाने चांगलाच जोर पकडला. सोसाट्याच्या वाऱ्यासह जोरदार पाऊस पडत असल्याने ठिकठिकाणी वृक्ष उन्मळून पडली. तर उपवन परिसरात गावंड बाग येथील रौनक पार्क या इमारतीची शेड फुटबॉल टर्फवर कोसळून 7 जण जखमी झाले आहेत.

जखमी हे इयत्ता 9वी 10वी चे विद्यार्थी असल्याची माहिती समोर आली आहे. हे विद्यार्थी फुटबॉल खेळत असताना पत्र्याची शेड उडून त्यांच्या अंगावर कोसळली.सदरचा प्रकार नंतर आता पुन्हा अश्या प्रकारे शेड चा प्रश्ण गांभीर् झाला आहे

दरम्यान, आज सकाळपासूनच ठाणे आणि नजीकच्या परिसरात पावसाचा जोर कायम आहे. सततच्या पावसामुळे अनेक ठिकाणी पाणी साचलं आहे. शहरात दहा ठिकाणी झाडे पडल्याची घटना घडली आहे. यातच वर्तकनगर येथे घराची भिंत कोसळून एक जण किरकोळ जखमी झाला आहे.