Breaking: पुण्यात पुन्हा एकदा MPSCच्या उमेदवाराची आत्महत्या! (पहा Video)

गोपाल मोटघरे

पुणे : पुण्यात पुन्हा एकदा MPSCच्या उमेदवाराने विषारी औषध प्राशन करून आत्महत्या केल्याची घटना समोर आली आहे. अमर मोहिते (वय 33) असे आत्महत्या केलेल्या उमेदवाराचे नाव आहे. 2010 पासून पुण्यातील नवीपेठेतील विठ्ठल मंदिराच्या पाठीमागे असलेल्या वस्ती ग्रहात राहून एमपीएससीचे शिक्षण घेत होता.

रात्री उशिरा झोपलेल्या अमरने सकाळी आपल्या मित्रांना प्रतिसाद न दिल्यामुळे मित्रांनी दरवाजा तोडून वस्तीगृहात प्रवेश केल्यानंतर अमरने विषारी औषध प्राशन करून आत्महत्या केल्याचं समोर आलं. तर, विश्रामबागवाडा पोलिसात अकस्मात मृत्यूची नोंद झाली असून पुढील तपास पोलीस करत आहेत.

मिळालेल्या माहितीनुसार, अमर मूळचा सांगली चा रहिवाशी असून तो पाटील सदाशिव पेठ येथील हॉस्टेल मध्ये राहत होता. पूण्यात तो पीएसआय फिजिकलची तयारी करत होता.

पहा व्हिडीओ-

अमरच्या आत्महत्येचे कारण मराठा आरक्षण रद्द झाल्या मुळे PSI Physical मधून बाहेर पडला त्याचा धक्का अमरला सहन झाला नाही म्हणून नैराश्यातून त्याने आत्महत्या केली आहे असे प्राथमिक माहितीनुसार सांगण्यात येत आहे. तर, अमर मोहीतेने सदाशिव पेठेतील राहत्या ठिकाणी आत्महत्या केली आहे.

दरम्यान, याआधी स्वप्नील लोणकर (दौंड), मल्हारी बारवकर(दौंड), वैभव विष्णू विरकल (औरंगाबाद), महेश लक्ष्मण झोरे (ता. 28 नोव्हेंबर 2020) या MPSCच्या उमेदवारांनी आत्महत्या केल्या आहेत.