Mumbai Corona Cases News : मुंबईकरांसाठी एक दिलासादायक बातमी आहे. मुंबईत तब्बल 3 वर्षानंतर शून्य कोरोनाबाधित रुग्णांची नोंद झाली आहे. 16 मार्च 2020 नंतर पहिल्यांदाच मुंबईमध्ये एकाही कोरोनाबाधित रुग्ण आढळून आलेला नाही. त्यामुळे मुंबईतून करोनाचा प्रादुर्भाव पूर्णपणे संपुष्टात येत असून, मुंबईकरांना दिलासा मिळाला आहे.
मुंबई (Mumbai) आणि पुण्यात (Pune)दोन वर्षापूर्वी कोरोनाचा स्फोट झाला होता, त्यामुळे राज्याच्या चिंतेत वाढ झाली होती. गर्दीच्या ठिकाणी कोरोना रुग्णांची संख्या झपाट्याने वाढत होती. पण आज मुंबई शहरात एकाही कोरोना रुग्णाची नोंद झाली नाही.
मुंबईमध्ये करोनाचा पहिला रुग्ण मार्च २०२० मध्ये सापडला होता. त्यानंतर अवघ्या काही दिवसांत करोना रुग्णांच्या संख्येत झपाट्याने वाढ झाली होती. मात्र, पालिकेने राबविलेल्या विविध उपाययोजनांमुळे मुंबईतील कोरोनाचा प्रादुर्भाव यशस्वीपणे आटोक्यात आला आहे
सध्या मुंबईत सक्रिय रुग्ण किती?
मुंबईत सध्या 23 सक्रिय रुग्णांची संख्या २३ इतकी आहे. दरम्यान, मुंबईत आतापर्यंत 11 लाख 54 हजार 317 इतक्या कोरोना रुग्णांची नोंद झाली आहे. तर 11 लाख 34 हजार 547 रुग्णांनी कोरोनावर मात केली. तर मुंबईत आतापर्यंत एकूण 19,747 कोरोनाबाधित रुग्णांचा मृत्यू झाला आहे. राज्याच्या आरोग्य विभागाने दिलेल्या माहितीनुसार, महाराष्ट्रात मंगळवारी आठ कोरोनाबाधित रुग्णांची नोंद झाली आहे. गेल्या २४ तासात कोरोनामुळे एकाचाही मृत्यू झालेला नाही.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
