Bhiwandi Accident News: भिवंडीत २ मजली इमारत कोसळली, २ चिमुकल्यांचा मृत्यू; ढिगाऱ्याखाली आणखी काही जण अडकल्याची भीती

Bhiwandi Accident:

भिवंडीतून एक मोठी दुर्घटना समोर आली आहे. येथे एक दुमजली इमारत कोसळली असून यात दोन लहान मुलांचा मृत्यू झाला आहे. एका बाळासह ८ वर्षीय मुलगी यामध्ये दगावली आहे. (Latest Accident News)

अधिक माहिती अशी की, भिवंडी शहरातील गौरीपाडा साहील हॉटेल परिसरात तळमजला अधिक दोन मजली इमारतीचा भाग कोसळून दुर्घटना घडली आहे. आतापर्यंत या घटनेत दोन जणांना जखमी अवस्थेत बाहेर काढण्यात आले आहे.

ढीगाऱ्याखाली आणखीन काही नागरीक अडकल्याची भीती वर्तवण्यात आली आहे. घटनास्थळी भिवंडी अग्निशामक दलासह ठाणे येथील TDRF चे पथक बचावकार्यासाठी दाखल झाले आहेत. शनिवारी रात्री 12:45 वाजता ही घटना घडल्याची माहिती मिळाली आहे.

साहिल हॉटेलच्या बाजूला टावरे संकुलनाच्या मागे एक दोन मजली बिल्डिंग पडल्या आहेत असा आम्हाला फोन आला. आतापर्यंत सहा जणांना बाहेर काढण्यात आले आहे. एका छोट्या बाळासह ८ वर्षीय मुलगी या दुर्घटनेत दगावली आहे, अशी माहिती अग्निशामक दलाकडून देण्यात आलीये.