Crime: ज्वेलर्सच्या डोळ्यात मिरची पूड टाकून दागिने चोरी; घटना सीसीटीव्हीत कैद

बदलापूर - मध्ये ज्वेलर्सच्या डोळ्यात मिरची पूड टाकून दुकानातील दागिने चोरून नेल्याची घटना रविवारी संध्याकाळी बदलापुरात घडली. ही संपूर्ण घटना सीसीटीव्हीत (CCTV) कैद झाली आहे. बदलापूर (Badlapur) पश्चिमेला रमेशवाडी परिसरात मिलन ज्वेलर्स (Jewellery) या दुकानात ही धक्कादायक घटना घडली आहे.

हे देखील पहा -

सखाराम चौधरी यांचं बदलापूर पश्चिमेला रमेशवाडी परिसरात मिलन ज्वेलर्स हे दुकान आहे. या दुकानात एक इसम आला आणि त्याने सोन्याच्या चैन आणि ब्रेसलेट दाखवण्यास सांगितले. त्यानुसार सखाराम चौधरी यांनी 83 ग्रॅम वजनाच्या सोन्याच्या पाच चैन आणि दोन ब्रेसलेट काढून काउंटरवर ठेवले. त्यानंतर चोरट्याने सोन्याची अंगठी दाखवण्यास सांगितल्याने चौधरी हे अंगठी काढण्यासाठी पाठमोरे वळले असता चोरट्याने त्यांच्या डोळ्यात मिरची पूड फेकली आणि दागिने घेऊन पोबारा केला.

दुकानाबाहेर उभ्या असलेल्या साथीदाराच्या दुचाकीवर बसून हा चोरटा उल्हास नदीच्या दिशेनं पळून गेला. ही सगळी घटना सीसीटीव्हीत कैद झाली आहे. चोरट्याने तब्बल साडे आठ तोळ्याचे दागिने चोरून नेले आहेत. याप्रकरणी बदलापूर पश्चिम पोलीस ठाण्यात चोरीच्या घटनेची नोंद करण्यात आली असून ,पोलीस सीसीटीव्हीच्या आधारे चोरट्यांचा शोध घेत आहेत.

Edited By - Shivani Tichkule