बदलापूर जवळ दुचाकी आणि टेम्पोचा भीषण अपघात

बदलापूर : दुचाकी आणि टेम्पोचा भीषण Awful अपघात Accident होऊन, दुचाकीस्वाराचा जागीच मृत्यू Death झाल्याची घटना बदलापूरमध्ये Badlapur घडली आहे. बदलापूरहून आंबेशिवकडे जाणाऱ्या रस्त्यावर एरंजाड गावाजवळ हा अपघात घडला आहे.

हे देखील पहा-

जयवंत वाळवी असे या अपघातात मृत्युमुखी पडलेल्या तरुणाचे नाव असून, राजेश मुकणे हा तरुण या अपघातात गंभीर जखमी झाला आहे. हे दोघे दुचाकीवर बदलापूरहून आंबेशिवकडे जात होते, तर टेम्पो बदलापूरकडे येत होता. एका अवघड वळणावर या दोन वाहनांचा अपघात होऊन, त्यात दुचाकीवरील दोघे खाली पडले. हा अपघात इतका भीषण होता, की यात दुचाकीवरील जयवंत वाळवी याचा जागीच मृत्यू झाला आहे.

तर राजेश मुकणे हा गंभीर जखमी झाला आहे. या दोघांना उल्हासनगरच्या शासकीय मध्यवर्ती जिल्हा रुग्णालयात उपचारांसाठी दाखल करण्यात आले आहे. या अपघातानंतर पोलिसांनी घटनास्थळी धाव घेत पंचनामा केला, असून पोलीस पुढील कारवाई करत आहेत. या मार्गावर धोकादायक वळणांवर कोणतेही सूचना फलक नसल्याने घडलेल्या गंभीर अपघातानंतर धोकादायक वळणांवर सूचना फलक लावण्यात यावेत, अशी मागणी स्थानिक ग्रामस्थांकडून केली जात आहे.

Edited By- Digambar Jadhav