मुंबईतील अंधेरी परिसरातून एक धक्कादायक घटना समोर आली आहे. एका २२ वर्षीय महाविद्यालयीन विद्यार्थिनीवर सामूहिक अत्याचार करण्यात आला आहे. तरूणीला आधी कोल्डड्रिंकमधून गुंगीचं औषध देण्यात आलं. बेशुद्ध झाल्यानंतर तरूणीच्या अब्रूचे लचके तोडले. दोघांनी आळीपाळीनं तिच्यावर लैंगिक अत्याचार केला. नराधमांनी लैंगिक अत्याचारानंतर पीडितेचे अश्लील फोटो आणि व्हिडिओ काढले. या प्रकरणी सध्या पोलिसांकडून अधिक तपास सुरू आहे.
या प्रकरणी पोलिसांनी दिलेल्या माहितीनुसार, पीडित तरूणी मुंबईतील अंधेरी परिसरातील रहिवासी असल्याची माहिती आहे. तसेच स्ट्रगलिंग मॉडेल सुषमा राव यांच्या कार्यालयात गरम मसाला प्रॉडक्टच्या मार्केटिंगसाठी पार्ट टाईम जॉब करीत होती. दरम्यान, काही दिवसांसाठी भाड्याने घेतलेल्या खोलीत काम चालू राहिल, असं सुषमानं पीडितेला सांगितलं.
सुषमानं पीडितेला अंधेरीच्या जेबीनगर येथील लॉजचा पत्ता दिला. मसाला प्रॉ़डक्टसाठी केवळ दोघेच काम करत होते. दरम्यान, याच कार्यलयात पीडितेला गुंगीचं औषध देण्यात आलं. पीडिता बेशुद्ध होताच सुषमानं २ तरूणांना बोलावून घेतलं. दोन्ही नराधमांनी पीडितेवर आळीपाळीनं लैंगिक अत्याचार केला.
तरूणीला काही वेळातच जाग आली. तेव्हा तिच्या शेजारी २ तरूण पाहून तिला धक्काच बसला. नंतर सुषमानं पीडितेला अश्लील फोटो दाखवले. यानंतर तरूणीनं घटनास्थळावरून पळ काढला. तसेच अंधेरी पोलिसांकडे धाव घेऊन तक्रार दाखल केली. तक्रार दाखल होताच पोलिसांनी तत्काळ कारवाई केली. तसेच सुषमा आणि तिच्या २ साथीदारांविरेधात विविध कलमांखाली गुन्हा दाखल केला.
या प्रकरणी प्रमुख आरोपी सुषमा रावला पोलिसांनी बेड्या ठोकल्या आहेत. तसेच २ फरार आरोपींचा सध्या शोध सुरू आहे. पोलीस लॉजमधील सीसीटीव्ही फुटेज आणि इतर पुराव्यांच्या आधारे तपास करीत आहेत. या घटनेनंतर अंधेरीत खळबळ उडाली आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.