Ajit Pawar : अजित पवार दिल्लीत २४ तास वेटिंगवर, अमित शहांची भेट होणार का? VIDEO

नवी दिल्ली : महाराष्ट्रातील महायुती सरकार स्थापनेचा तिढा वाढलेला असतानाच, मित्र पक्ष असलेला राष्ट्रवादी काँग्रेसचे प्रमुख अजित पवार हे दिल्लीत आहेत. मागील २४ तासांपासून अजित पवार हे दिल्लीत ठाण मांडून असून, केंद्रीय गृहमंत्री अमित शहा यांच्या भेटीच्या प्रतीक्षेत आहेत.

अजित पवार काल, सोमवारी रात्री ८ वाजता राजधानी दिल्लीत पोहोचले. मात्र, अद्यापही त्यांची अमित शहांसोबत भेट झालेली नाही. २४ तास उलटूनही पवार यांची शहांसोबत भेट झालेली नाही. आज, रात्री भेट होणार का हे पाहणं महत्वाचं आहे.

अजित पवार यांना मंत्रिमंडळासंदर्भात अमित शहा यांची भेट घ्यायची असल्याचे कळते. त्यामुळेच ते कालपासून दिल्लीत थांबले आहेत. शहा हे आज संध्याकाळी ६ वाजता चंदीगडवरून दिल्लीत पोहोचले असून, आज तरी शहा-अजित पवार भेट होणार का? भेट झालीच तर त्यांच्यात काय चर्चा होणार, याबाबत वेगवेगळे अंदाज व्यक्त करण्यात येत आहेत.