Aditya Thackeray|'शिवसेना तुम आगे बढो...'; आदित्य ठाकरेंना पाहताच चिमुकल्याची घोषणाबाजी! (Video)

मुंबई: शिवसेनेचे (ShivSena) ज्येष्ठ नेते मुख्यमंत्री एकनाथ शिंदे यांच्यासह ४० आमदारांनी बंड केले, यामुळे शिवसेनेत उभी फूट पडली. या बंडानंतर माजी मंत्री आमदार आदित्य ठाकरे यांनी राज्यभर दौरा सुरु केला आहे, तसेच मुंबईतही विविध ठिकाणी भेटी-गाठी सुरु केल्या आहेत.

राज्यातील महानगर पालिका तसेच नगरपरिषदांच्या निवडणुका काही दिवसांवर आल्या आहेत. मुंबई महापालिकेची निवडणूक काही दिवसात होणार आहे. यासाठी पक्षांची तयारी सुरु आहे. आदित्य ठाकरेही मुंबईतील गणेश मंडळांना भेटी देत आहेत. सध्या सोशल मीडियावर आदित्य ठाकरे यांचा एक व्हिडिओ व्हायरल होत आहे. या व्हिडिओत एक लहान मुलगा आदित्य ठाकरे यांना पाहून घोषणाबाजी करत असल्याचा दिसत आहे.

पक्ष बांधणीसाठी आदित्य ठाकरे गणेशोत्सवात देखील मुंबईतील विविध मंडळांच्या आणि कार्यकर्त्यांच्या घरच्या बाप्पांना भेटी देत आहेत. कालही ठाकरे यांनी

आदित्य ठाकरे काल गिरगावमधील एका गणेशोत्सव मंडळाला भेट देण्यासाठी गेले होते. यावेळी एक चिमुकल्याने आदित्य ठाकरे यांना पाहिले आणि घोषमाबाजी सुरु केली. 'शिवसेना तुम आगे बढो, हम तुम्हारे' अशी घोषणा यावेळी या चिमुकल्याने दिली. चिमुकल्याच्या या कृतीने सर्वच आवाक झाले. यावेळी त्या चिमुकल्याचा उत्साह पाहून आदित्या ठाकरेंना त्या मुलाला भेटण्याची इच्छा झाली. हा व्हिडिओ चांगलाच व्हायरल झाला.