सोमय्या बोलले की २-३ दिवसांत कारवाया होतातच : जयंत पाटील

मुंबई : शिवसेना खासदार संजय राऊतांच्या अलिबाग आणि दादर येथील संपत्तीवर ईडीने कारवाई केली आहे मात्र ही कारवाई करण्याआधी त्यांना कसलीही कल्पना देण्यात आली नव्हती. ती दिली पाहिजे होती. कल्पणा देऊन आक्षेप असलेली प्रॉपर्टी वर कारवाई व्हायला हवी होती. मात्र, ही सर्व कारवाई संजय राऊत यांच्यावर दबाव आणण्याचा प्रयत्न दिसत असल्याचं वक्तव्य जलसंपदा मंत्री जयंत पाटील (Jayant Patil) यांनी केलं आहे.

तसंच ईडीने (ED) त्यांनी काय पुरावे दिले मला ठाऊक नाही. पण सुप्रीम कोर्टाच्या सर्वोच्च न्यायालयाच्या न्यायाधीशांनी देखील ईडीच्या करवाईवर आपलं मतं दोन दिवसापूर्वी व्यक्त केली आहेत. देशाच्या सर्वोच्च न्यायाधीशांनी मत व्यक्त केलं असेल तर हे जग जाहीर आहे या एजन्सीचा दुरुपयोग व्हायला लागला आहे.

मात्र, सरकारवर याचा परिणाम होणार नाही, सरकार आणि सरकारशी संबंधीत लोकांना बदनाम करण्यासाठी या यंत्रणेचा वापर होत असल्याचंही जयंत पाटील म्हणाले.

किरीट सोमय्या बोलतात त्या नंतर 2-3 दिवसात त्या घटना घडतात, त्यामुळे ऍक्युरेट अंदाज वर्तवणारे गृहस्थ म्हणून त्यांची महाराष्ट्राला ओळख आहे आणि या एजन्सी कोणत्याही काम आधी त्यांना कल्पना देतात. त्यांना कल्पना देऊनच या कारवाया होतात असा आभास तयार झाला असल्याचंही ते म्हणाले.

Edited By - Jagdish Patil