अंबरनाथ : मोबाईलवर व्हिडीओ बनवत एका तरुणाने आपली जीवनयात्रा संपवली आहे. बदलापूरमध्ये ही धक्कादायक घटना घडली आहे. बेरोजगारीला कंटाळून आपण आत्महत्या करत असल्याचं या तरुणाने व्हिडीओमध्ये म्हटलं आहे. आपल्या आत्महत्येला कोण जबाबदार आहे, याचा खुलासा या व्यक्तीने व्हिडिओ आणि सुसाइड नोट च्या माध्यमातून केला आहे. (Latest Marathi News)
गिरीश नंदलाल चूबे असे या आत्महत्या करणाऱ्या व्यक्तीचे नाव असून त्याला दोन लहान मुले आहेत. गिरीश उल्हासनगर येथे एका कंपनीत कामाला होता. या कंपनीत काम करणाऱ्या दोन लोकांनी गिरीश याच्या मालकाला चुगली केली आणि त्यामुळे गिरीश याला आपला जॉब गमवावा लागला.
दोन मध्ये जॉब नसल्यामुळे गिरीश वर एक लाखापर्यंत कर्ज झालं. त्याच नैराश्यातून गिरीश याने आपण आत्महत्या करत असल्याचं सांगितलं आहे. केवळ दोन लोकांमुळे आणि बेरोजगारीमुळे आपल्यावर आत्महत्या करण्याची नामुष्की ओढवल्याचा आरोप गिरीश ने केला आहे.
आपण बदलापूर आणि अंबरनाथ (Ambernath) रेल्वे स्थानक दरम्यान असून ट्रेन खाली उडी घेऊन आत्महत्या करत असल्याचा व्हिडिओ गिरीशने शेअर केला आहे. या घटनेत गिरीश याचा मृत्यू झाला असून कल्याण रेल्वे लोहमार्ग पोलीस पुढील तपास करत आहेत.
Edited By - Satish Daud
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
