खळबळजनक! माजी गृहराज्यमंत्री रमेश बागवे यांच्या गाडीतून रिव्हॉल्वर चोरीला

पुणे : माजी गृहराज्यमंत्री रमेश बागवे यांना चोरट्याने चांगलाच हिसका दाखविला आहे. त्यांच्या कारचा (car) दरवाजा बनावट चावीने उघडून चोरट्याने त्यामधील १ लाख रुपयांचे रिव्हॉल्व्हर (Revolver) चोरुन नेले आहे. याप्रकरणी रमेश बागवे (Ramesh Bagwe) यांनी खडक पोलीस ठाण्यात फिर्याद दिली आहे. लोहियानगर, गंज पेठ ते भवानी पेठेतील अरुणकुमार वैदय स्टेडियम दरम्यान हा चोरीचा (Theft) धक्कादायक प्रकार घडला आहे.

हे देखील पहा-

नेमका चोरीचा हा प्रकार कसा घडला, याविषयी बागवे यांना समजू शकले नाही. त्यांनी आपले रिव्हॉल्व्हर कारमधील ड्रायव्हर सीटच्या शेजारील सीटच्या मागील कप्प्यामध्ये ठेवले होते. चोरट्याने बागवे यांच्या कारची बनावट चावी तयार करुन किंवा कारचा दरवाजा उघडून कारमधील सीटमागील कप्प्यात ठेवले असलेले १ लाख रुपयांचे रिव्हॉल्व्हर लंपास केले आहे.

याबाबत रमेश बागवे यांनी दिलेल्या माहितीनुसार की, आपण कारमधील सीटच्या मागील कप्प्यात रिव्हॉल्व्हर ठेवले होते. २८ डिसेंबर दिवशी दिवसभर विविध कार्यक्रम होते. त्या दरम्यान, चोरट्याने कारमधून हे रिव्हॉल्व्हर ल्माप्स केले आहे. काही वेळेने हा रिव्हॉल्व्हर चोरीला गेल्याचे लक्षात आल्यानंतर घरात देखील सर्व ठिकाणी शोधले. त्यानंतर आता खडक पोलिसाकडे (police) फिर्याद देण्यात आली आहे.

Edited By- Digambar Jadhav