डोंबिवलीत ५८ वर्षीय महिलेची गळा आवळून हत्या

डोबिवली: डोंबिवलीतील टिळकनगर मधील आनंदशीला सोसायटीमध्ये घरात एकट्या राहणाऱ्या विजया बाविस्कर (58 वर्ष) यांचा गळा आवळून हत्या करण्यात आल्याची घटना सोमवारी उघडकीस आली आहे. घरकाम करणारी महिला घरी आल्यानंतर ही घटना उघडकीस आली, याप्रकरणी टिळकनगर पोलीस ठाण्यात अज्ञात मारेकऱ्याविरोधात गुन्हा दाखल करण्यात आला आहे. अज्ञात मारेकऱ्याने रात्रीच्या वेळेस घरात घुसून महिलेची गळा आवळून हत्या केल्याचे प्राथमिक तपासात आढळून आले आहे. याचा अधिक तपास व मारेकऱ्याचा शोध टिळकनगर पोलीस घेत आहेत.