अंबरनाथ : कल्याणसह राज्यभरात पावसाची सुरुवात झाली आहे. या जोरदार पावसामुळे मलंगगडाची दरड कोसळल्याची घटना घडली. ही दरड मलंगगडच्या पायथ्याशी राहणाऱ्या गुलाम सय्यद यांच्या घरावर कोसळली. सोमवारी सकाळी साडे सातच्या सुमारास ही घटना घडली. या दुर्देवी घटानेत एकाचा मृत्यू झाला आहे.
अंबरनाथच्या मलंगगडच्या पहिला दर्गा येथे ३५ वर्षीय गुलाम सय्यद हे आपल्या कुटुंबासोबत राहतात. गुलाम सय्यद हे त्यांची बायको आणि दीड वर्षांचा मुलासोबत राहत होते. तिन्ही जण घरात झोपलेले असताना मलंगगडाची दरड कोसळली. मलंगगड डोंगराची दरड सोमवारी सकाळी साडे सात वाजण्याच्या सुमारास ही गुलाम सय्यद यांच्या घरावर कोसळली.
घरावर दरड कोसळल्यानंतर गुलाम यांनी घरातील दीड वर्षाचा मुलाला वाचवले. मात्र, या दुर्देवी घटनेत स्वत:चा जीव गमावला. यामध्ये गुलाम यांची बायको नाभिया या देखील गंभीर जखमी झाल्या आहेत. त्यांना उपचारासाठी उल्हासनगरच्या मध्यवर्ती रुग्णालयात दाखल करण्यात आलं आहे.
मिळालेल्या माहितीनुसार, मलंगड डोंगराच्या मागच्या बाजूला काही दिवसांपूर्वी जेएनपीटी-बडोदा महामार्गाच्या टनलचं काम सुरु होतं. टनलचं काम सुरु असताना स्फोट करण्यात आले होते. याममुळे डोंगरामध्ये कंपन झालं होतं. त्यामुळे गुलाम सय्यद यांच्या घरावर दरड कोसळल्याची माहिती मिळत आहे. या घटनेत गुलाम सय्यद यांचा मृत्यू झाला. गुलाम सय्यद यांच्या मृत्यूने कुटुंबावर शोककळा पसरली आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.