Mumbai; MBBS च्या 22 विद्यार्थ्यांना कोरोनाची लागण...

मुंबई : मुंबईमध्ये कोरोनाचे रुग्ण कमी होत असताना एक धक्कादायक बातमी समोर आली आहे. मुंबईच्या केईएम रुग्णालयामध्ये आणि सेठ जी एस मेडिकल कॉलेज मधील 22 विद्यार्थ्यांना कोरोनाची लागण झाली आहे. हे सर्व 22 विद्यार्थी एमबीबीएसच्या दुसऱ्या वर्षात शिकतात आहेत. विशेष म्हणजे या सर्व विद्यार्थ्यांनी दोन्ही डोस घेतले आहेत.

गेल्या २- ३ दिवसांतच सर्वांना कोरोनाची लागण झाली आहे. क्रीडास्पर्धा आणि सांस्कृतिक कार्यक्रम आयोजित केल्याने कोरोनाचा प्रसार झाल्याची शक्यता वर्तविण्यात आली आहे. कोरोनाची लागण झालेल्या विद्यार्थ्यांना क्वारंटाईन करण्यात आली आहे. तर या ठिकाणी असलेल्या वसतीगृह हे सील करण्यात आली आहेत.

हे देखील पहा-

बुधवारी मुंबईमध्ये ५२७ नवे कोरोनाचे रुग्ण आढळले आहेत, तर ६ कोरोना बाधित लोकांचा मृत्यू झाला आहे. कोरोना रुग्णांमुळे बाधितांची एकूण संख्या ७ लाख ४२ हजार ५३८ झाली आहे. तर ४०५ रुग्ण बरे झाल्याने कोरोनामुक्त झालेल्यांची संख्या ७ लाख १९ हजार २१८ झाली आहे. सध्या मुंबईमध्ये ४ हजार ७२४ जण उपचार घेत आहेत.

तर ठाणे जिल्ह्यात बुधवारी ३१५ कोरोना रुग्ण आढळून आले आहेत. तर, ३ जणांचा कोरोनामुळे मृत्यू झाला आहे. ३१५ कोरोना रुग्णांपैकी कल्याण- डोंबिवली ९६, ठाणे ७६, नवी मुंबई ५६, मीरा- भाईंदर ३३, ठाणे ग्रामीण २१, बदलापूर १८, अंबरनाथ ७, उल्हासनगर ७ आणि भिवंडीमध्ये १ रुग्ण आढळून आला आहे. तर, ३ मृतांपैकी ठाणे आणि कल्याण- डोंबिवली आणि भिवंडी मधील प्रत्येकी १- १ रुग्णाचा समावेश आहे.

Edited By- Digambar Jadhav