सावधान! मुंबईत कोरोना वाढताच, नव्या रुग्णसंख्येमुळं चिंता वाढली

मुंबई : येथे कोरोनाच्या दैनंदिन रुग्णसंख्येत (Mumbai corona update) होणारी वाढ चौथ्या लाटेला आमंत्रण करणारी असल्याने नागरिकांची चिंता वाढली आहे. गेल्या काही दिवसांपासून नव्या कोरोना रुग्णसंख्येत (corona new patients) मोठी वाढ होत आहे. दिवसेंदिवस वाढणाऱ्या कोरोनाच्या रुग्णसंख्येमुळं नागरिकांचे आरोग्य धोक्यात आलं आहे.

आजही मुंबईतील कोरोनाच्या रुग्णसंख्येत (corona) लक्षणीय वाढ झाली आहे. मुंबईतील नव्या कोरोना रुग्णसंख्येने दोन हजारांचा टप्पा पार केल्याने मुंबईकरांच्या चिंतेत भर पडली आहे. मुंबईत आज दिवसभरात कोरोनाच्या नव्या २०८७ रुग्णांचं निदान झालं आहे. त्यामुळे मुंबईतील आजपर्यंतचा कोरोना रुग्णांचा आकडा १०,९४,६४४ वर पोहोचला आहे.

मिळालेल्या माहितीनुसार, मुंबईत आज दिवसभरात कोरोनाचे नवे २०८७ रुग्ण सापडले आहेत. तर मुंबईत आज एका रुग्णाचा मृत्यू (corona death) झाल्याने कोराना मृतांची संख्या १९,५८३ वर पोहोचली आहे. तसेच आज कोरोनाचे नवे ९५ रुग्णांना उपचारासाठी रुग्णालयात दाखल करण्यात आले आहेत.

दरम्यान, मुंबईत १३,८९७ एवढे सक्रिय रुग्ण आहेत. मुंबईत आज १८०२ रुग्णांना डिस्चार्ज दिला असून कोरोनातून बरे झालेल्या रुग्णांची एकूण संख्या १,०१६,१६४ वर गेली आहे त्यामुळे कोरोनातून बरे झालेल्या रुग्णांचा दर ९७ टक्के एवढा झाला आहे. तर कोरोना रुग्ण दुपटीचा दर ३८१ दिवसांवर पोहोचला आहे.

Edited By -Naresh Shende