सुरज सावंत
मुंबई: अवघ्या दोनच दिवसांपूर्वी मुंबईतील शक्तीमिल कंपाउंड बलात्कार आणि हत्या प्रकरणातील आरोपींना फाशीची शिक्षा न देता ती जन्मठेपेची करण्यात आली. असे असतानाच मुंबई (Mumbai) पुन्हा एकदा अशाच एका घटनेने हादरून गेली आहे. मुंबईच्या कुर्ला परिसरामध्ये असलेल्या एचडीआयएल कंपाउंडमधील एका बंद इमारतीच्या टेरेसवर एका 20 वर्षीय तरुणीचा मृतदेह आढळून आला आहे. या तरुणीवर बलात्कार ( Sexual Assault) करून नंतर तिची हत्या करण्यात आल्याची माहिती समोर आली आहे. त्यानंतर पोलिसांनी बलात्कार आणि हत्येचा गुन्हा दाखल केला आहे.
कुर्लाच्या (Kurla, Mumbai) एचडीआयएल कंपाऊडमधील बंद इमारतीच्या टेरेसवरील लिफ्ट रुममध्ये तरुणीचा मृतदेह आढळून आला, त्यानंतर त्वरित मृतदेह रुग्णालयात पाठवण्यात आला. डॉक्टरांच्या अहवालानंतर पोलिसांनी अज्ञात नराधमविरोधात बलात्कार आणि हत्येचा गुन्हा दाखल केला आहे. मुलीचा मृतदेह शवविच्छेदनासाठी राजावाडी रुग्णालयात पाठवण्यात आला त्यानंतर, मुलीची मुलीची ओळख पटवण्यासाठी पोलिसांनी सर्व पोलिस ठाण्यात बेपत्ता झालेल्या मुलीची नोंद घेण्यास सुरूवात केली आहे.
इन्स्टाग्राम व्हिडीओमध्ये उघडकीस आला प्रकार!
मिळालेल्या माहितीनुसार, ही इमारत बंद असल्याने एक १८ वर्षाचा मुलगा आपल्या दोन मित्रांसह इंस्टाग्रामवर व्हिडिओ शूट करण्यासाठी गेला असताना, त्याने हा मृतदेह पाहून मुंबई पोलिसांच्या नियंत्रण कक्षाला कळवले. या मुलीच्या डोक्यावर गंभीर जखम असून घटनास्थळाचा पोलिसांनी पंचनामा केला आहे. त्यानंतर पोलिसांनी पुढील प्रक्रिया सुरू केली. या प्रकरणी विनोबा भावे पोलिस ठाण्यात बलात्कारासह हत्येचा गुन्हा अनोळखी आरोपी विरोधोत नोंदवून तपासाला सुरूवात केली आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
