Tarapur: विराज प्रोफाइल कंपनीतील राड्यात १९ पाेलीस जखमी; २७ कामगार अटकेत

पालघर : तारापूर औद्योगिक वसाहतीतील (tarapur midc) विराज प्रोफाइल कंपनीत (viraj profile ltd) शनिवारी झालेल्या कामगारांमधील (workers) राड्यात आणि त्यानंतर पाेलीसांवर झालेल्या हल्ल्यात एकूण १९ पाेलीस (police) कर्मचारी जखमी (injured) झाले. या घटनेत जमावाने १२ वाहनांचे नुकसान केले. आज (रविवार) येथील परिस्थिती नियंत्रणात असून एकूण २७ हल्लेखोरांना ताब्यात घेण्यात आल्याची माहिती पालघर पाेलीसांनी (palghar police) दिली. (palghar latest marathi news)

विराज प्रोफाइल कंपनीतील एक कामगार संघटना १६ मेपासून काम बंद आंदाेलन छेडणार आहे. त्याबाबतची नोटीस संघटनेने प्रशासनास दिली आहे. या आंदाेलन काळात कंपनी कंत्राटी कामगारांद्वारे काम सुरू ठेवेल अशी शंका कंपनीत कायमस्वरुपी असलेल्या कामगारांना होती. त्यामुळे संपाच्या काही कायम कामगारांनी गेल्या काही दिवसांपासून उत्पादन बंद केले आहे. त्यानंतर उत्पादन बंद ठेवणाऱ्या कामगारांनी कंपनीच्या आवारापासून ५० मीटर अंतर दूर राहावे असे आदेश न्यायालयाने दिले.

त्यानंतर कंपनीत राडा झाला. या राड्यात पाेलीस देखील माेठ्या प्रमाणात जखमी झाले. या प्रकरणी पोलिसांनी आतापर्यंत २७ जणांना अटक केली आहे. संबंधितांवर हत्येचा कट रचणे, तोडफोड करणे, जीवित व मालमत्तेचे नुकसान करणे अशा विविध कलमान्वये गुन्हा दाखल करण्यात आला आहे अशी माहिती पालघर पोलिसांच्या वतीने सचिन नावडकर (sachin navadkar) यांनी दिली.

Edited By : Siddharth Latkar