Zilla Parishad Election Result 2026 LIVE Updates : मिनी मंत्रालयाचा फैसला आज; १२ जिल्ह्यांत कुणाचा गुलाल उधळणार?

सातारा जिल्हा परिषदेच्या 65 गट आणि पंचायत समितीच्या 130 गणांसाठी सात तारखेला मतदान पार पडले आणि आज मतमोजणीला सुरुवात होत आहे, साताऱ्यातील एमआयडीसी परिसरातील शासकीय गोदामात सकाळी दहा वाजता मतमोजणीला सुरुवात होईल, साताऱ्यात चारही मंत्र्यांची प्रतिष्ठा पणाला लागली होती, नेमका मतदारांनी कोणाच्या बाजूने कौल दिला आहे हे थोड्याच वेळात स्पष्ट होईल

परभणी जिल्ह्यातील 54 जिल्हापरिषद आणि 108 पंचायत समिती गणासाठी आज मतमोजणी होणार आहे थोड्या वेळात ही मतमोजणी सुरू होणार आहे आपण पाहिले तर 54 जिल्हापरिषद जागेसाठी 247 उमेदवार रिंगणात होते तर 108 पंचायत समिती गणासाठी 433 उमेदवार रिंगणात होते ह्या सर्वांचे भविष्य आज ठरणार आहे जिल्हा 74.89 % मतदान झाले आहे आणि या मत मोजणी कडे पूर्ण जिल्ह्याचे लक्ष लागले आहे प्रशासनाच्या वतीने पुन्ह तयारी झाली असून केंद्र बाहेर मोठा पोलीस बंदोबस्त तैनात करण्यात आला आहे जिल्ह्यात 9 तालुक्यात मतमोजणी होणार आहे याचाच आढावा घेतला आहे

कराड तालुक्यातील 12 जिल्हा परिषद गट व 24 पंचायत समिती गणाच्या मतमोजणीला काही वेळात सुरुवात होणार असून पंचवीस फेऱ्यांमध्ये ही मतमोजणी होणार आहे

कराडच्या रत्नागिरी शासकीय गोडाऊनमध्ये मतमोजणी ची तयारी पूर्ण झाली असून मतमोजणीसाठी 230 कर्मचारी अधिकाऱ्यांची नियुक्ती करण्यात आलेली आहे

मतमोजणी 25 फेऱ्यात पूर्ण होणार असून मतमोजणीसाठी कर्मचाऱ्यांचे उमेदवारांची प्रतिनिधी मतमोजणी ठिकाणी हजर आहे

जिल्हा परिषद आणि पंचायत समितीच्या निवडणुकीच्या मतदानाची मतमोजणी बारामती मधील जिल्हा क्रीडा संकुल येथे होणार

सकाळी दहा वाजता होणार मतमोजणीला सुरुवात

बारामती मधील सहा जिल्हा परिषद गट आणि बारा पंचायत समिती गणाच्या उमेदवारांच्या मतदानाची होणार मतमोजणी

जिल्हा परिषदेसाठी ३१ तर पंचायत समितीकरिता ४३ उमेदवार रिंगणात

,

जिल्हा परिषद गटामध्ये सुपा ३, गुणवडी ३, पणदरे ९, वडगाव निंबाळकर ५, निंबूत ६ आणि नीरावागज ५ असे एकूण ३१ उमेदवार

सुपा २, काऱ्हाटी २ , शिर्सुफळ ३, गुणवडी ४, पणदरे ६, मुढाळे ३, मोरगाव ३, वडगाव निंबाळकर ७, निंबुत ७, कांबळेश्वर २, नीरावागज २, डोर्लेवाडी २ असे एकूण ४३ उमेदवार निवडणूक रिंगणात

रत्नागिरी जिल्ह्यात झालेल्या चुरशीच्या मतदानानंतर बहुमताचा कौल कुणाला मिळणार

मतमोजणी काहीच वेळात सुरुवात सुरुवात होई

जिल्ह्यात नऊ ठिकाणी मतमोजणी, 20 टेबल आणि 19 फेऱ्यांमध्ये होणार मतमोजणी

सकाळी १० वाजता मतमोजणीला सुरुवात होऊन दुपारी २ वाजेपर्यंत निकालाचे चित्र स्पष्ट होण्याची शक्यता

जिल्हा परिषदेचे 56 गटांसाठी 151 उमेदवार रिंगणात

112 पंचायत समिती गण - 321 उमेदवार रिंगणात

जिल्ह्यात 55.79 टक्के इतके झाले होते मतदान

मतदार कुणाला कौल देणार हे चित्र लवकरच स्पष्ट होईल

सोलापूर जिल्हा परिषदेचे आजच्या मतमोजणीनंतर कारभारी ठरणार आहेत. आज सकाळी दहा वाजल्यापासून मतमोजणीला सुरुवात होणार आहे मतमोजणीची प्रशासकीय तयारी पूर्ण झाली आहे.

जिल्हा परिषदच्या 68 जागांसाठी 271 तर पंचायत समितीच्या 136 जागांसाठी 485 उमेदवार रिंगणात आहेत.

भोरचे माजी आमदार संग्राम थोपटे यांच्या पत्नी स्वरूपा या उत्रौली - कारी गटातून भाजपकडून मैदानात उतरल्या आहेत. त्यांचा सामना जिल्हा परिषदेचे माजी उपाध्यक्ष रणजित शिवतरे या राष्ट्रवादी काँग्रेसच्या उमेदवाराशी आहे.

शिरूरचे माजी आमदार अशोक पवार यांच्या पत्नी व जिल्हा परिषदेच्या माजी सभापती सुजाता पवार या राष्ट्रवादी कॉंग्रेसकडून निवडणूक लढत आहेत.

जुन्नर तालुक्यातील बोरी - खोडद गटात राष्ट्रवादी काँग्रेसचे तालुकाध्यक्ष आणि जिल्हा परिषदेचे माजी उपाध्यक्ष पांडुरंग पवार यांच्या सूनबाई कविता पवार यांनी अपक्ष उमेदवारी कायम ठेवत पक्षाच्या अधिकृत उमेदवाराला थेट आव्हान दिले आहे.

आंबेगावात जिल्हा परिषदेचे माजी उपाध्यक्ष विवेक वळसे-पाटील आणि अरुण गिरे यांच्या अटीतटीची लढत होण्याची शक्यता आहे. या ठिकाणी शिवसेना (ठाकरे गट) आणि राष्ट्रवादी (शरद पवार) एकत्र लढत आहेत. तर दोन्ही राष्ट्रवादी एकमेकांसमोर लढत आहेत.

खेडमध्ये भाजपमधून राष्ट्रवादीमध्ये प्रवेश केलेल्या शरद बुट्टे पाटील यांच्या पत्नी सुनीता बुट्टे पाटील यांच्या विरोधात आमदार बाबाजी काळे यांच्या भगिनी राजश्री जैद असून, शिंदेसेनेच्या निशा गोरे देखील रिंगणात आहे.

दौंड तालुक्यातील खडकी गटात दिवंगत माजी आमदार कृष्णराव जगदाळे यांचे पुत्र वीरधवल हे राष्ट्रवादी काँग्रेसकडून निवडणूक लढवत आहेत. तसेच, बोरीपार्धी गटात माजी आमदार रमेश थोरात यांचे पुत्र तुषार यांना राष्ट्रवादी काँग्रेसची उमेदवारी मिळाली आहे.

इंदापूर तालुक्यात माजी मंत्री हर्षवर्धन पाटील यांची मुलगी अंकिता पाटील या दुसऱ्यांदा निवडणूक लढवत आहेत. यावेळी त्या राष्ट्रवादी काँग्रेसच्या उमेदवार आहेत. कृषिमंत्री दत्तात्रय भरणे यांचा मुलगा श्रीराज भरणे राष्ट्रवादी काँग्रेसकडून उमेदवारी मिळाली आहे.

पुणे जिल्ह्यात जिल्हा परिषदेच्या 73 जागांसाठी 299 उमेदवार तर पंचायत समितीच्या 146 जागांसाठी 528 उमेदवार रिंगणात होते या सर्व उमेदवारांचे भवितव्य मतमोजणीतुन समोर येणारच आहे मात्र यावेळी मतदानाचा वाढलेला टक्का आणि पक्षीय बलाबल यामुळे याचा फायदा कुनाला होणार याकडे सर्वाचे लक्ष असुन अजित पवारांच्या अकाली निधनानंतर पुणे जिल्ह्यात सहानुभूतीची होती याचा थेट फायदा राष्ट्रवादी कॉग्रेसला होणार हेही पहाणं महत्वाचे ठरणार आहे

छत्रपती संभाजीनगरमध्ये जिल्हा परिषद आणि पंचायत समितीच्या निवडणुकीच्या मतमोजणी परिसरात पोलिसांचा मोठा बंदोबस्त तैनात करण्यात आला आहे. महानगरपालिका निवडणुकीच्या वेळी याच मतमोजणी परिसरात गोंधळ झाला होता. पोलिसांनी लाठीचार केला होता. त्यामुळे खबरदारी म्हणून या मतमोजणी केंद्राच्या परिसरातला हॉटेल विक्स ते गाडी चौक हा रस्ता पूर्णतः बंद करण्यात आलेला आहे. पोलिसांचा मोठा पाऊस फाटा तैनात करण्यात आलेला आहे. छत्रपती संभाजीनगर तालुक्यातील दहा जिल्हा परिषद सर्कल आणि 20 पंचायत समिती गणासाठी झालेल्या मतांची या ठिकाणी मोजणी होणार आहे. त्यामुळे ग्रामीण भागातील मोठ्या संख्येने वेगवेगळ्या पक्षाचे कार्यकर्ते समर्थक येतील अशी शक्यता आहे. त्यामुळे पोलिसांनी खबरदारी घेतली आहे.

कोल्हापूर जिल्हा परिषद आणि पंचायत समितीच्या निवडणुकीची मतमोजणी आज सकाळी १० वाजता सुरू होईल. दोन फेऱ्यांमध्ये एका गटाचा निकाल हाती येईल. सर्वसाधारणपणे दुपारी १२ वाजेपर्यंत प्रत्येक तालुक्यातील एक ते दोन गटांचे निकाल जाहीर होतील. प्रशासनाने यासाठी जय्यत तयारी केली असून, २५० टेबलांवर १८८ फेऱ्या होणार आहेत. हातकणंगले तालुक्यात २२ फेऱ्या, तर उर्वरित सर्व तालुक्यांत १० ते १५ फेऱ्यांमध्ये निकाल हाती येईल. जिल्ह्यातील आमदार, खासदार आणि दोन मंत्र्यांची प्रतिष्ठा पणाला लागलेल्या जिल्हा परिषद आणि पंचायत समितीच्या निवडणुकीत शनिवारी चुरशीने मतदान झाले. मतांची टक्केवारी जरी गेल्या वेळेपेक्षा कमी झाली असली, तरी राजकीय ईर्ष्या टोकाला पोहोचली आहे. त्यामुळे साऱ्या जिल्ह्याचे लक्ष्य लागले आहे.