- लक्ष्मण साेळुंके
Jalna Andolan : मराठ्यांवर जर गोळ्या झाडायच्या असतील तर पहिल्यांदा माझ्यावर झाडा. तुमचं सरकार दिल्लीत आणि राज्यात आहे. मराठा समाजाला आणखी किती दिवस आरक्षणासाठी (maratha reservation) वाट बघायला लावणार असा संतप्त सवाल युवराज संभाजीराजे छत्रपती (yuvraj sambhajiraje chhatrapati latest marathi news) यांनी गृहमंत्री देवेंद्र फडणवीस यांना केला आहे. (Maharashtra News)
युवराज संभाजीराजे छत्रपती यांनी आज (शनिवार) येथील अंतरवाली सराटी (antarwali sarathi) येथे मराठा समाजाच्या आरक्षणासाठी उपोषणास बसलेल्या आंदाेलकांची भेट घेतली. यावेळी संभाजीराजेंना घडलेली घटना सांगताना आंदाेलकांना अश्रु अनावर झाले.
आंदाेलकांच्या भेटीनंतर राजेंनी राज्यासह केंद्रातील सरकारवर टीकेची झाेड उठवली. संभाजीराजे म्हणाले छत्रपती शिवाजी महाराज आणि शाहू महाराज यांचं वंशज म्हणून मी इथं आलो आहे. आज पर्यंत मराठा सामजाने समंजसपणे आंदोलन केले, कुठं ही गालबोट लागलं नाही. काल जे काही घडलं ते निंदनीय आहे. लोकांच्या अंगावर ग्रेनेड फेकण्यापर्यंत मजल गेली.
निजामचे राज्य आहे की काय इथं, छत्रपती शिवाजी महाराज यांचे नाव घेऊन सरकार चालवत आहात हे लक्षात ठेवा असा इशारा राजेंनी दिला.
मराठ्यांवर जर गोळ्या झाडायच्या असतील तर माझ्यावर पहिले झाडा असेही राजेंनी नमूद केले. ते म्हणाले तुम्ही हल्ले करुन आंदोलकांवर गुन्हा दाखल करता कमाल आहे. तुमचं सरकार दिल्लीत आणि राज्यात आहे. किती दिवस आरक्षणासाठी वाट बघायला लावणार आहात. देवेंद्र फडणवीस यांनी सांगावे गोळ्या झाडायला काेणी लावल्या. आता हे सहन केले जाणार नाही. किती दिवस आंदोलन करायचं असा संतप्त सवाल राजेंनी उपस्थित केला.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
