नागपुरात युवा सेनेचा ‘निश्चय मेळावा’; संघटना मजबूत करण्याचा प्रयत्न

नागपूर: शिवसेनेच्या (Shivsena) शिवसंपर्क अभियानानंतर आता युवा सेनेनं विदर्भात ‘निश्चय मेळावे’ घेण्यास सुरुवात केली आहे. युवा सेना सचिव वरुण सरदेसाई यांच्या नेतृत्त्वात नागपूरातून आज विदर्भातील ‘निश्चय मेळाव्याला’ सुरूवात झाली. या मेळाव्याला पूर्व विदर्भातील नागपूर, वर्धा, भंडारा आणि गोंदिया(Gondia) जिल्ह्यातील युवा सेनेचे कार्यकर्ते उपस्थित आहेत.

हे देखील पहा -

विदर्भात संघटन मजबुतीसाठी आजपासून ‘निश्चय मेळावा’ घेण्यात आला आहे. युवा सेनेचा निश्चय दौरा संपूर्ण महाराष्ट्रात सुरु आहे, त्याचाच दुसरा भाग म्हणून विदर्भात मेळावे घेतले जात आहेत. युवा सेनेचं काम चांगलं सुरु आहे. युवा सेनेची ताकद वाढवण्याचा हा प्रयत्न आहे आसे देखील वरुण सरदेसाई यांनी यावेळी सांगितले. नागपुरातील युवा सेनेच्या ‘निश्चय मेळाव्या’त प्रमुख कार्यकर्ते, खासदार कृपाल तुमाने, आमदार आशिष जैसवाल, सतिश हरडे यांच्यासह अनेक नेत्यांच्या उपस्थितीत का मेळावा पार पडला.