Chandrapur Crime News : चंद्रपूरात युवकाला CAR ने चिरडले, घटना सीसीटीव्हीत कैद; दाेघे अटकेत

Chandrapur : चंद्रपूर (chandrapur) शहराच्या मध्यभागी असलेल्या रघुवंशी व्यापार संकुलात युवकाचा (youth) धक्कादायक मृत्यू झाला आहे. येथील एका बारमध्ये बसून मद्यप्राशन केल्यानंतर वाहनतळाच्या भागात उमंग दहिवले युवक पडून होता. रात्री दीड वाजता वाहनतळातून दोन कार (car) बाहेर पडल्या. त्यातील एका कारच्या चालकाने उमंगला चिरडले.

ही बाब लक्षात आल्यानंतर कारमधील युवकांनी उमंगला जखमी अवस्थेत रस्त्याच्या एका कडेला ठेवल्याचे सीसीटीव्हीमध्ये दिसत आहे. त्यानंतर ही कार निघून गेली. लगेच दुसऱ्या एका कारने मात्र उमंगला पुन्हा एकदा चिरडले. ही कार न थांबता पुढे गेली.

सकाळी याच ठिकाणी आलेल्या नागरिकांना (citizens) उमंग जखमी (injured) अवस्थेत दिसला. तातडीने त्याच्या मित्रांनी (friends) त्याला जिल्हा सामान्य रुग्णालयात (hospital) पोचविण्याचा प्रयत्न केला. मात्र तोवर त्याचा मृत्यू झाला होता. (Maharashtra News)

ही घटना नक्की कशी घडली. यातील दोन्ही कारचालक मद्यधुंद अवस्थेत होते काय, मृत उमंगसोबत आणखी किती लोक या बारमध्ये होते याचा तपास शहर पोलीस (police) करत आहेत. सध्या पाेलिसांनी दाेन्ही कार चालकांना अटक (arrest) केली आहे अशी माहिती सुधाकर अंभोरे (पोलीस निरीक्षक, शहर पोलीस ठाणे) यांनी दिली.

Edited By : Siddharth Latkar