Amboli Ghat Accident News : आंबोली घाटातील खाेल दरीत गाडी काेसळली; गाेव्याहून परतताना कोल्हापूरच्या युवकाचा मृत्यू

- विनायक वंजारे

Amboli Ghat Accident News : आंबोली घाटात (accident in amboli ghat) खोल दरीत टेम्पो कोसळून चंदगड येथील चालक जागीच ठार झाला. ही घटना काल रात्री दोन वाजण्याच्या सुमारास घडली. पुंडलिक आसगावकर (वय- २९, राहणार, कोल्हापूर (kolhapur) , चंदगड (chandgad), मांडवळे) असे त्याचे नाव आहे. (Maharashtra News)

आसगावकर हा गोवा (goa) येथे काजू बोंडू देण्यासाठी गेला होता. तेथून परतत असताना वळणाचा अंदाज न आल्याने हा अपघात घडला. घटनास्थळी पोलीस दाखल झाल्यानंतर आंबोली रेस्कु टिमच्या मदतीने आसगावकर याचा मृतदेह बाहेर काढण्यास यश आले.

आंबोली येथील प्राथमिक आरोग्य केंद्रात (amboli primary health center) शवविच्छेदन करण्यात आले. याबाबत सावंतवाडी पोलिस ठाण्यात (sawantwadi police station) अपघाताची नोंद करण्यात आली आहे.

Edited By : Siddharth Latkar