गुटखा खाणं जीवावर बेतलं; ठसका लागल्याने तरुणाचा मृत्यू!

औरंगाबाद - एका तरुणाला गुटखा खाणे चांगलेच महागात पडले आहे. काम करताना ठसका लागला आणि तो जागेवर बेशुद्ध झाला. त्यानंतर या तरुणाला रुग्णालयात (Hospital) नेत असताना वाटेतच त्याची प्राणज्योत मालवली. ही घटना शहरातील उस्मानपुरा भागात घडली आहे. गणेश दास असे मृत तरुणाचे नाव आहे.

हे देखील पहा -

गणेश एका खाजगी कंपनीत कामाला होता. कंपनी मालकाच्या घरी गणेश डिश टीव्ही बसवण्यासाठी गेला होता. गणेशला गुटखा खाण्याची सवय असल्याने डिश टीव्ही बसवत असताना त्याने नेहमी प्रमाणे आपल्या खिश्यातुन गुटख्याची एक पुडी फोडून ती खाल्ली आणि याचवेळी त्याला अचानक ठसका लागला आणि ते बेशुद्ध झाला. त्यानंतर या तरुणाला रुग्णालयात नेत असताना वाटेतच त्याची प्राणज्योत मालवली.

शवविच्छेदनाच्या अहवाला नुसार, गणेशच्या अन्ननलिकेत सुपारीअडकल्याने त्यांचा मृत्यू झाल्याच समोर आलं आहे. याप्रकरणी अकस्मात मृत्यूची नोंद करण्यात आली आहे. दरम्यान, यापूर्वी देखील गुटख्याच्या विळख्यात अनेक तरुणांना आपला जीव गमवावा लागला असल्याच्या घटना समोर आल्या आहेत.

Edited By- Shivani Tichkule