सातारा : साताऱ्यातील रविवार पेठेतील चुना गल्ली परिसरामध्ये एका तरुणाला बेदम मारहान करण्यात आली आहे. धक्कादायक बाब म्हणजे मारहाण करुन मुलाला उकळत्या चुन्यात ढकलून दिल्याचही समोर आलं आहे.
समाधान मोरे असं मारहाण झालेल्या मुलाचं नावं असून नितीन सोडमिसे याने दारु पिऊन त्याच्या मित्रासह साताऱ्यातील (Satara) रविवार पेठेत समाधान याला गंभीर मारहाण केली तसंच या पेठेत जे चुन्याचे काम चालते तेथीलच एका दुकानाजवळील उकळत्या चुन्यात समाधान मोरेला ढकलून दिले.
दरम्यान समाधानला उकळत्या चुन्यात ढकलून दिल्याने त्याचे शरीर 9 % भाजले असून त्याच्यावरती सध्या सातारा जिल्हा रुग्णालयात उपचार सुरू करण्यात आले आहेत. तसंच मारहाण करणारे संशयित हे दारू पिलेले असल्याचे तक्रारदार यांचे सांगणे आहे. या घटनेची नोंद सातारा शहर पोलिस ठाण्यात करण्यात आली आहे.
Edited By - Jagdish Patil
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.