Yavatmal Crime News: जुन्या वादातून तरुणाची निर्घृण हत्या! यवतमाळ जिल्ह्यात खळबळ

संजय राठोड, प्रतिनिधी...

Yavatmal Crime News: गेल्या काही दिवसांपासून राज्यात गंभीर गुन्हेगारी घटना समोर येत आहेत. काही दिवसांपूर्वीच पुण्यातील एमपीएससी करणाऱ्या तरुणीची निर्घृण हत्या झाल्याने राज्यात खळबळ उडाली होती. हे प्रकरण ताजे असतानाच यवतमाळमध्ये एका तरुणाची निर्घृण हत्या झाल्याची धक्कादायक घटना समोर आली आहे. (Crime News In Marathi)

याबाबत अधिक माहिती अशी की, यवतमाळ शहरात जुन्या वादातून एका तरुणाची धारदार शस्त्राने हत्या केल्याची घटना घडली आहे. ही घटना यावयमाच्या नागपूर रोड मार्गावर झाली. ज्ञानेश्वर रमेश मस्के असे या घटनेतील मृताचे नाव आहेत. या घटनेने परिसरात एकच खळबळ उडाली आहे.

या संदर्भात शहर पोलिसांनी काही अल्पवयीन मुलांना चौकशीसाठी ताब्यात घेतले असून अधिक तपास सुरू आहे. याआधी यवतमाळच्या दारव्हा तालुक्यात शेतीच्या वादातून एकाची निर्घृण हत्या झाल्याचे समोर आले होते. त्यानंतर लगेच ही घटना उघडकीस आली आहे. त्यामुळे यवतमाळ जिल्ह्यात एकच दिवशी दोन हत्या झाल्याने मोठी खळबळ उडाली आहे.

विहिरीत आढळले चार मृतदेह...

दरम्यान, अहमदनगर जिल्ह्यातून एक धक्कादायक घटना समोर आली होती. अहमदनगरच्या पाथर्डी तालुक्यातील बाभूळगावमध्ये एकाच विहरीत चार मृतदेह आढळल्याने एकच खळबळ उडाली. या घटनेची माहिती मिळताच पोलिसांनी घटनास्थळी धाव घेतली. घरगुती वादातून पतीनेच आपली पत्नी आणि तिन मुलांचा जीव घेतल्याचा प्राथमिक अंदाज पोलिसांनी वर्तवला आहे. (Latest Marathi News)