- संजय राठोड
Yavatmal News : मुलीचे शिक्षण व बियाण्यांसाठी बँकेतून काढलेल्या ९० हजारांच्या रकमेवर चोरट्याने डल्ला मारला. ही घटना यवतमाळच्या (yavatmal) पुसद (pusad) तालुक्यातील शेंबाळपिंपरी (shembalpimpri) येथे घडली. (Maharashtra News)
या घटनेनंतर पाेलिसांत तक्रार करण्यात आली. पाेलिसांनी सीसीटीव्ही कॅमेरातील चित्रण तपासले. आता (yavatmal) खंडाळा पोलिसांसमोर चोरट्यास पकडण्याचे आव्हान उभे ठाकले आहे. भरदिवसा झालेल्या या घटनेमुळे नागरिक धास्तावले आहेत.
या घटनेबाबत पाेलिसांकडून मिळालेल्या माहितीनूसार शिवूर (ता. हदगाव) येथील सुभाष देशमुख यांनी येथील स्टेट बँकेतून मुलीच्या शिक्षणासाठी व बी-बियाण्यांसाठी ९० हजार रुपये काढले.
ते पैसे घेऊन देशमुख एका ओळखीच्या दुकानावर येऊन बसले होते. तेथे उपस्थित असलेल्या एका अनोळखी युवकाने मोठ्या शिताफीने पिशवीतील ९० हजार रुपये अलगद काढून घेत तेथून पोबारा केला.
हा प्रकार येथील एका सीसीटीव्ही कॅमेऱ्यात कैद झाला. या घटनेचा तपास खंडाळा पोलिस करीत आहे.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
