संजय राठोड
यवतमाळ : पत्नीचे कोणत्या तरी अनैतिक संबंध असल्याचे म्हणत पत्नीच्या चारित्र्यावर संशय घेत पती आपल्या पत्नीशी नेहमी वाद घालायचा. याच संशयातून पतीने पत्नीवर तलवारीने वार करत निर्घृण हत्या केल्याची घटना यवतमाळ जिल्ह्यातील कारेगाव यावली गावात घडली आहे. या घटनेमुळे गावात प्रचंड खळबळ उडाली असून या प्रकरणी पोलिसांकडून तपास सुरु करण्यात आला आहे.
यवतमाळ जिल्ह्यातील कारेगाव यावली या गावात घडलेल्या घटनेत बेबी दलुराम राठोड असे हत्या झालेल्या महिलेचे नाव आहे. तर दलूराम राठोड असे मारेकरी पतीचे नाव आहे. दरम्यान पती संशय घेत असल्याने पती- पत्नीमध्ये नेहमीच वाद होत होता. त्याच वादातून पतीने पत्नीवर तलवारीचे घाव घातले. तलवारीने वार केल्याने बेबी राठोड रक्ताच्या थारोळ्यात खाली कोसळली. त्यातच तिचा मृत्यू झाला.
मुलाने केला वडिलांवर हल्ला
दरम्यान आईवर वार केल्यानंतर मुलाने वडिलांवर हल्ला केला. त्यात मारेकरी दत्तूराम हा जखमी झाला आहे. हत्येची ही थरारक घटना यवतमाळच्या कारेगाव यावली येथे पहाटे दरम्यान घडली. याप्रकरणी फिर्यादी मुलाने वडगाव जंगल पोलीस ठाण्यात वडीला विरुद्ध तक्रार दाखल केली आहे. या प्रकरणी पोलिसांकडून तपास सुरु करण्यात आला आहे.
दलित महिलेला दांडक्याने मारहाण
पंढरपूर : पंढरपूरच्या माळशिरस तालुक्यातील उंबरे वेळापूर गावात एका दलित महिलेला दांडक्याने मारहाण करण्यात आल्याची घटना घडली आहे. फोन का केला असा जाब विचारण्याच्या कारणावरून भर रस्त्यावर हरिदास भोसले याने शिवीगाळ करत महिलेला मारहाण करण्यात आली आहे. मारहाणीचा व्हीडिओ सोशल मिडियात व्हायरल झाला असून महिलेला मारहाण करणाऱ्या आरोपीला अटक करण्याची मागणी करण्यात येत आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.