भरधाव ट्रॅक्टरवरील नियंत्रण सुटल्याने भीषण अपघात; काका-पुतणे ठार!

-- संजय राठोड 

यवतमाळ : यवतमाळ जिल्ह्यातील आर्णी (Arni) तालुक्यातील जवळा येथील शेतकरी स्वतःच्या दोन वर्षाच्या पुतण्याला रोटावेटर जोडलेल्या ट्रॅक्टरवर बसवून शेतात घेऊन जात असताना जवळा येथील उड्डाण पुलावर चालकाचे भरधाव वेगात असणाऱ्या ट्रॅक्टरवरील नियंत्रण सुटल्याने ट्रॅक्टर (Tractor) पलटी होऊन दोघे जण जागीच ठार झाल्याची घटना घडली आहे. मृतांमध्ये एका बालकाचा समावेश आहे.

हे देखील पहा :

नागपूर-तुळजापूर राष्ट्रीय महामार्गावर असलेल्या जवळा (Javla) उड्डाण पुलाजवळ (Bridge) शेतात रोटावेटर नेत असताना ट्रॅक्टरचा हा भीषण अपघात झाला. या अपघातात ट्रॅक्टरचे देखील मोठ्या प्रमाणात नुकसान झाले आहे. चालकाचे ट्रॅक्टरवरून नियंत्रण सुटले आणि त्यामुळे हा ट्रॅक्टर पलटी झाला. या अपघातात (Accident) राहुल अरुण जवके (वय २५ वर्ष) व पुतण्या देऊ उर्फ गोलू जवके (वय २ वर्ष) असे जागीच ठार झालेल्या काका पुतण्याचे नाव आहे. एकाच कुटूंबातील दोन व्यक्ती अपघातात ठार (Death) झाल्याने गावामध्ये शोककळा पसरली आहे.

Edited By : Krushnarav Sathe