- रणजीत माजगावकर
Kolhapur Rain Update : कोल्हापूर जिल्ह्यात पावसाचा जाेर सुरुच आहे. दरम्यान सततच्या पावसामुळे जिल्ह्यात जून्या मातीच्या घरांच्या पडझड सुरुच आहे. आज (गुरुवार) आजरा तालुक्यातील किणे येथे घराची भिंत काेसळल्याने एका महिलेचा मृत्यू झाला आहे. भिंत काेसळून महिलेचा मृत्यू हाेण्याची ही जिल्ह्यातील दूसरी घटना आहे. (Maharashtra News)
काही दिवसांपुर्वी कोल्हापुरातील केशवराव भोसले नाट्यगृह परिसरात खासबाग मैदानाच्या बाजूची भिंत कोसळली. या दुर्दैवी घटनेत एका महिलेचा मृत्यू झाला. तसेच एक महिला देखील जखमी झाली हाेती.
सततच्या पावसामुळे (kolhapur) आजरा तालुक्यातील किणे येथे आज घराची भिंत काेसळून महिलेचा मृत्यू झाल्याची घटना घडली आहे. सुनीता अर्जुन गुडूळकर असं मृत्यू झालेल्या महिलेचे नाव आहे. तिचे पती अर्जुन गुडूळकर व ननंद वत्सला गुडूळकर हे या घटनेत जखमी झाले आहेत.
भिंत कोसळून महिलेचा मृत्यू झाल्याची माहिती कळताच घटनास्थळी तहसीलदार समीर माने, निवासी नायब तहसीलदार यांनी भेट देऊन घटनेची माहिती घेतली. जखमींवर उपचार करण्याबाबत रुग्णालयात संपर्क साधला.
दरम्यान काेल्हापूर जिल्ह्यात गेल्या तीन दिवसांत भिंत कोसळून महिलेचा मृत्यू हाेण्याची ही दुसरी घटना आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.