Ramesh Bais : महाराष्ट्राचे नवे राज्यपाल रमेश बैस कोण आहेत?

महाराष्ट्राचे नवे राज्यपाल म्हणून रमेश बैस यांची नियुक्ती करण्यात आली आहे.
Ramesh Bais
Ramesh BaisSaam Tv

Ramesh Bais New Governor : महाराष्ट्राचे राज्यपाल भगतसिंह कोश्यारी यांचा राजीनामा मंजूर झाला आहे. राष्ट्रपती द्रौपदी मुर्मू यांनी त्यांचा राजीनामा मंजूर केला आहे. याबाबतची माहिती राष्ट्रपती भवनाकडून देण्यात आली आहे.

महाराष्ट्राचे नवे राज्यपाल म्हणून रमेश बैस यांची नियुक्ती करण्यात आली आहे. बैस यांनी यापूर्वी झारखंडचे राज्यपाल म्हणून पदभार सांभाळला आहे. यासह देशातील १२ राज्यांचे राज्यपाल बदलण्यात आले आहे.

Ramesh Bais
Governer Resign : राज्यपाल भगतसिंह कोश्यारींचा राजीनामा मंजूर, देशातील 12 राज्यांमध्ये मोठे फेरबदल

कोण आहेत रमेश बैस?

रमेश बैस सध्या झारखंडचे राज्यपाल आहेत. यापुर्वी जुलै 2019 ते जुलै 2021 त्यांनी त्रिपुराचे राज्यपाल म्हणूनही काम केले होते. रायपूर लोकसभेचे सलग सहा वेळा खासदार निवडून आले आहेत. ऑक्टोबर 1999 ते सप्टेंबर 2000 केंद्रीय रसायन राज्यमंत्री म्हणून काम केले आहे.

सप्टेंबर 2000 ते जानेवारी 2003 केंद्रीय सूचना प्रसारण राज्यमंत्री म्हणून काम केले आहे. जानेवारी 2004 ते मे 2004 केंद्रीय पर्यावरण राज्यमंत्री म्हणून देखील त्यांनी काम केलं आहे.बैस यांचा जन्म मध्य प्रदेशातील रायपूरमध्ये झाला आहे. आता रायपूर छत्तीसगडमध्ये आहे. मध्य प्रदेश भाजपचे ते उपाध्यक्ष होते.

Ramesh Bais
Bhagat Shingh Koshyari Resign : राज्यपाल भगतसिंह कोश्यारींचा राजीनामा मंजूर, रमेश बैस नवे राज्यपाल

राष्ट्रपतींनी नियुक्त केलेल्या १२ राज्यपालांची यादी

लक्ष्मण प्रसाद आचार्य - सिक्किम

शिव प्रताप शुक्ला -हिमाचल

गुलाब चंद्र कटारिया -असाम

बीडी मिश्रा - लद्दाख

रमेश बैस - महाराष्ट्र

अब्दुल नजीर - आंध्र प्रदेश

एल. गणेशन - नागालैंड

सीपी राधाकृष्णन - झारखंड

बिस्वास भूषण हरिचंदन - छत्तीसगढ

लेफ्टनंट जनरल कैवल्य त्रिविक्रम पारनाईक - अरुणाचल प्रदेश

अनुसुईया उईके - मणिपूर

राजेंद्र विश्वनाथ आर्लेकर - बिहार

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com