Rain Forecast: राज्यात या ठिकाणी 27 जानेवारी ते 2 फेब्रुवारी दरम्यान पावसाचा अंदाज

Rain Forecast in state: मागील काही दिवसांपासून राज्यात थंडीचं प्रमाण वाढलं आहे. आता थंडीनंतर राज्यात पावसाचा अंदाज वर्तवला जात आहे. राज्यातील काही भागात जानेवारी अखेर हलक्या पावसाचा अंदाज IMDने वर्तवला आहे.

हवामान विभागाच्या अंदाजानुसार, राज्यात 27 जानेवारी ते 2 फेब्रुवारी दरम्यान मराठवाडा, विदर्भ व परिसरात हलका आणि मध्यम स्वरुपाच्या पावसाचा अंदाज वर्तवला आहे. येत्या 25 जानेवारीपासून अनेक भागात ढगाळ वातावरण राहण्याची शक्यता आहे. (Weather Update)

उत्तर-पश्चिम भारतात सक्रिय असलेल्या वेस्टर्न डिस्टर्बन्सचा परिणाम संपूर्ण उत्तर भारतात दिसत आहे. एकीकडे मैदानी भागात थंडीपासून दिलासा मिळत आहे तर दुसरीकडे काही भागात बर्फवृष्टी सुरू आहे. यासोबतच सध्या हवामानात विशेष बदल होताना दिसत नाही.

उत्तर भारतात थंडीपासून नागरिकांना दिलासा मिळणार आहे. मात्र, यादरम्यान अनेक भागांत पावसाची शक्यता हवामान विभागाने वर्तवली आहे. 22 जानेवारीनंतर म्हणजे आजपासून येथील हवामानात बदल होईल.