एमआयडीसीच्या जांभूळ जलशुद्धीकरण केंद्रात तातडीने दुरुस्तीचे काम सुरु करण्यात येणार आहे. या कामामुळे सोमवार, दि. १७/०३/२०२५ रोजी रात्री १२.०० पासून ते मंगळवार दि. १८/०३/२०२५ रोजी रात्री १२.०० वाजेपर्यंत एकूण ४८ तासांसाठी कटाई ते ठाणे दरम्यान पाणी पुरवठा बंद राहील. त्यामुळे, ठाणे महापालिका क्षेत्रात कळवा मुंब्रा आणि दिवा या परिसरात पाणीपुरवठा पूर्णपणे बंद राहणार आहे.
कामाच्या निष्कर्षानंतर पाणी पुरवठा पुन्हा सुरू होईल, परंतु प्रारंभिक काळात काही तास कमी दाबाने पाणी पुरवठा होईल. त्यामुळे या भागातील नागरिकांना पाणी टंचाईच्या समस्येला सामोरे जावे लागण्याची शक्यता आहे. संबंधित परिसरातील नागरिकांना ही माहिती लक्षात घेऊन आवश्यक ती तयारी करण्याचा सल्ला प्रशासनाने दिला आहे.
ठाणे शहरात पाणी पुरवठ्याचे चार प्रमुख स्त्रोत आहेत, ज्यातून दररोज ५८५ दशलक्ष लीटर पाणी पुरवठा केला जातो. यामध्ये महापालिकेच्या स्वत:च्या पाणीपुरवठा योजनेतून २५० दशलक्ष लीटर, महाराष्ट्र औद्योगिक विकास महामंडळाकडून १३५ दशलक्ष लीटर, स्टेम कंपनीकडून ११५ दशलक्ष लीटर आणि बृहन्मुंबई महापालिकेकडून ८५ दशलक्ष लीटर पाणी पुरवठा केला जातो. यामुळे पाणीपुरवठ्यासाठी हे स्त्रोत अत्यंत महत्वाचे ठरतात. महाराष्ट्र औद्योगिक विकास महामंडळाकडून पुरवठा करण्यात येणारे पाणी कळवा, मुंब्रा आणि दिवा परिसरात मिळवले जाते.
ठाणे महापालिका क्षेत्रातील कळवा, मुंब्रा आणि दिवा या भागात २४ तासांसाठी पाणीपुरवठा बंद राहणार आहे. मंगळवारी रात्री पाणीपुरवठा सुरू झाल्यानंतर काही तास कमी दाबाने पाणी पुरवठा होईल. त्यामुळे नागरिकांना आवश्यक पाणीसाठा करून ठेवण्याची आणि पाण्याचा अपव्यय टाळण्याची सूचना ठाणे महापालिकेने दिली आहे. यामुळे नागरिकांनी पाणी बचतीची खबरदारी घ्यावी आणि पाणी पुरवठा पूर्वीच्या प्रमाणावर येईपर्यंत जागरूक राहावे, असे आवाहन केले आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.