Baramati: बारामतीकरांनाे! पाणी जपून वापरा, वाचा नगरपालिकेचा महत्वपूर्ण निर्णय

आता बारामतीकरांवर देखील पाणी कपातीचे संकट उदभवले आहे. बारामती नगरपरिषद प्रशासनाच्या वतीने एक दिवसाआड पाणीपुरवठ्याचा निर्णय घेण्यात आला आहे. नीरा डावा कालव्याचे आवर्तन बंद झाले असल्याने उपलब्ध पाणीसाठा मर्यादीतआहे.

त्यामुळे पर्यायाने बारामती शहरासाठी पाणीपुरवठा एक दिवसाआड केला जाणार असल्याचे नगरपालिका प्रशासनाने सांगितलेय. निरा डावा कालव्याचे पुढील आवर्तन मिळेपर्यत शहराला एक दिवसाआड पाणीपुरवठा केला जाणार आहे.

आज (गुरुवार ता. ३० मे २०२४) संपूर्ण बारामती शहर व ग्रामीण भागात पाणीपुरवठा होईल. उद्या (शुक्रवार ता. ३१ मे २०२४) पाणीपुरवठा होणार नाही असे नगरपरिषदेच्या वतीने सांगण्यात आलेय.

Edited By : Siddharth Latkar