Wardha Accident News: साडीचा पदर बाइकच्या चेनमध्ये अडकून मायलेकी रस्त्यावर पडल्या, पाठीमागून टँकर आल्यानं अनर्थ घडला

Wardha Accident News: वर्धा जिल्ह्यातून एक भयानक घटना समोर आली आहे. नातेवाईकाच्या लग्नाला दुचाकीवरून निघालेल्या कुटुंबावर काळाने घाला घातला.
Wardha Accident News
Wardha Accident NewsSaam TV

चेतन व्यास, साम टीव्ही

Wardha Accident News: वर्धा जिल्ह्यातून एक भयानक घटना समोर आली आहे. नातेवाईकाच्या लग्नाला दुचाकीवरून निघालेल्या कुटुंबावर काळाने घाला घातला. महिलेच्या साडीचा पदर दुचाकीच्या चेनमध्ये अडकला, काही कळण्याच्या महिला आपल्या दीड वर्षाच्या चिमुकलीसह रस्त्यावर कोसळली.

त्याचवेळी पाठीमागून भरधाव वेगात येणाऱ्या टँकरने दोघींनाही चिरडले. या घटनेत माय-लेकींचा दुर्देवी अंत झाला. सुदैवाने वडील आणि दोन वर्षीय चिमुकली थोडक्यात बचावली. काळजाचा ठोका चुकणारा हा अपघात बाजारवाडा फाटा परिसरात झाला. (Latest Marathi News)

Wardha Accident News
Wardha Crime News: मित्रांसोबत वाढदिवसाच्या पार्टीत गेला, तिथेच झाला घात; तरुणाच्या हत्येनं खळबळ

या घटनेनं परिसरात हळहळ व्यक्त होत आहे. निलिमा राजकुमार सयाम (२७), तनुष्का राजकुमार सयाम अशी मृतकांची नावे आहे. तर राजकुमार नामदेव सयाम (२७) व दीड वर्षीय मुलगी रियांशी ही किरकोळ जखमी झाली आहे.

घटनास्थळावरून मिळालेल्या माहितीनुसार, विरुळ (Wardha News) येथील रहिवाशी असलेले राजकुमार आणि मृत निलिमा हे आपल्या दोन चिमुकल्या मुलींना घेऊन नेरपिंगळाई येथे नातेवाईकाच्या लग्नासाठी निघाले होते. दरम्यान बाजारवाडा फाट्याजवळ निलिमा यांच्या साडीचा पदर दुचाकीच्या चेनमध्ये अडकला.

काही कळण्याच्या आतच निलिमा चिमुकल्या मुलीसह दुचाकीवरून रस्त्यावर कोसळल्या. त्याचवेळी पाठीमागून भरधाव वेगात टँकर आला. टँकरच्या मागील चाकाखाली (Accident) येऊन दोघीही चिरडल्या गेल्या. तसेच राजकुमार आणि त्याच्याजवळ समोर बसलेली मुलगी जखमी झाली.

Wardha Accident News
Dombivali Crime News: इन्स्टाग्रामवरील मैत्री महिला पोलिसही फसली; लग्नाचे वचन देऊन तरुणाने केलं भलतंच कांड

दरम्यान, अपघाताची माहिती मिळताच, स्थानिक नागरिकांसह पोलिसांनी (Police) घटनास्थळी धाव घेतली. पत्नी आणि पोटच्या मुलीचा डोळ्यादेखत जीव गेल्याने राजकुमार यांनी हंबरडा फोडला. त्यांना किरकोळ मार लागला असून उपचारासाठी रुग्णालयात दाखल करण्यात आलं.

राजकुमार सयाम हे गावातील प्रतिष्ठीत व्यक्ती आहे. त्यांचा २७ रोजी वाढदिवस होता. मात्र, जन्मदिनीच त्याच्या कुटुंबावर काळाने झडप घेतली आणि पत्नी व दीड वर्षीय मुलीने जग सोडले. ही घटना मनाला चटका लावून गेली. या घटनेने विरुळ परिसरात शोककळा पसरली आहे.

Edited by - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com