Accident News: भरधाव कार झाडाला धडकली; दोघांचा जागीच मृत्यू

चेतन व्यास

वर्धा : वर्धा ते आर्वी मार्गावरील कामठी शिवारात भरधाव कारचा (Accident) अपघात झाला. भरधाव कार झाडाला धडकल्याने झालेल्या अपघातात दोन जणांचा जागीच (Accident Death) मृत्यू झाला. आज सकाळच्या सुमारास ही घटना उघडकीस आली. (Maharashtra News)

रस्त्याच्या बाजूला पंधरा फूट अंतरावर गाडी जाऊन (Wardha) कोसळल्याने रात्रीच्या वेळी कुणालाही माहिती पडले नाही. सकाळच्या सुमारास हा अपघात निदर्शनास आला. खरांगणा येथील ठाणेदार संतोष शेगावकर, (Police) पोलीस उपनिरिक्षक विनोद सानप, अमर हजारे, विठ्ठल केंद्रे यांनी घटनास्थळी पाहणी करत पंचनामा केला. मृतदेह शवविच्छेदनासाठी पाठवले. या घटनेमुळ हळहळ व्यक्त होत आहे.

गाडीचा पत्रा कापून दोघांना काढले बाहेर

आंजी येथील प्रज्वल डंभारे आणि राहूल धोंगडे हे दोघे कारने गावी जात होते. दरम्यान कामठी शिवारात हा अपघात घडला. कारची धडक इतकी जोरात होती की, गाडीचा चुराडा झाला आहे. यामुळे गाडीतील दोघांना बाहेर निघता आले नाही. यामुळे कारचे पत्रे गॅस कटरने कापून दोघांनाही बाहेर काढण्यात आले.